politike

Dorian Duçka, ish-këshilltari i Jashtëm i kryeministrit Rama është paraqitur sot në SPAK. Emri i Duçkës doli në çështjen e ish-agjentit të FBI-së, Charles McGonigal.

Mbetet e paqartë arsyeja e thirrjes së tij në organin e akuzës, pasi SPAK nuk ka nisur asnjë hetim në lidhje me çështjen “McGonigal”.

Në aktakuzën amerikane, Duçka paraqitet si njeriu që ka shërbyer si urë lidhëse mes kryeministrit Rama dhe Charles McGonigal, në dy vizitat e tij në Shqipëri, por edhe takimet në SHBA.

Prokuroria e Posaçme SPAK ka vënë nën sekuestro 5512 m2 truall në zonën e Palasës në Himarë, e cila i është dhënë ish-deputetit socialist Artan Gaçi, në cilësinë e investitorit strategjik.

Trualli mbi të cilin po ndërtohet një resort turistik është tashmë nën sekuestro preventive, pasi bashkëshorti i ish-ministres së Jashtme është nën hetim për falsifikim të aktit të marrjes së tokës në pronësi.

Hetimi lidhur me pronën vjen pas kallëzimit të bërë nga kryebashkiaku i zgjedhur i Himarës, Fredi Belerit, ndaj Artan Gaçit dhe kryetarit në detyrë të Himarës, Jorgo Goro.

Një parti e re politike do të përfaqësojë serbët e Kosovës. Lëvizja Popullore Serbe do të veprojë në zonat e banuara me shumicë serbe në veri dhe jug të lumit Ibër.

Partia e re është themeluar nga Branimir Stojanoviç dhe Millia Bishevac dhe synon të jetë një alternativë e Listës Serbe, i vetmi formacion politik që ka përfaqësuar deri tani komunitetin serb në Kosovë.

Sali Berisha akuzohet për korrupsion pasiv në bashkëpunim me dhëndrin, Jamarbër Malltezi. Një ditë pasi policia ekzekutoi urdhrin e SPAK për arrestimin e Malltezit dhe njohu ish-kryeministrin me masën për detyrim paraqitjeje, organi i akuzës ka publikuar veprat për të cilat akuzohen tre të dyshuarit.

Objekti i hetimit është privatizimi i terreneve dhe objekteve sportive të “Klubit të Futbollit Partizani” dhe “Klubit Shumësportësh Partizani”. 

Pesë diplomatë perëndimorë  u takuan sot me kryeministrin Albin Kurti në Prishtinë. Miroslav Lajçak, i cili i priu pesëshes së diplomatëve, foli për nevojën emergjente të deeskalizmit të situatës dhe normailizimit të marrëdhënieve. 

Lajçak tha se “çfarëdo kushti, apo çfarëdo vonese për normalizimin e marrëdhënieve është e papranueshme” dhe shtoi se ngjarjet e 24 shtatorit të Banjskë nuk ndryshojnë asgjë në procesin e dialogut.

Lista Serbe u ka kërkuar autoriteteve të Kosovës të shpallin datën e zgjedhjeve. Kërkesa vjen një ditë pasi presidentit serb, Aleksandar Vuçiç, kërkoi nga serbët të futen në proces të ri zgjedhor në katër komunat veriore – Mitrovicë e Veriut, Leposaviq, Zveçan dhe Zubin Potok.

Pavarësisht kësaj, mes serbëve të Kosovës nuk ka unitet. Politikanët serbë në opozitë me Listën Serbe (më e madhja e serbëve të Kosovës) thonë se tashmë kjo parti e ka humbur legjitimitetin tek populli që ka përfaqësuar.

Draft-rezoluta e dërguar në Parlamentin Europian për sulmin e Banjskës kërkon që Serbia të ekstradojë drejt Kosovës Milan Radoiçiçin.

Anëtarja e Parlamentit Evropian dhe raportuesja për Kosovën, Viola von Cramon, thotë se megjithëse nuk ndan të njëjtën pikëpamje me qeverinë e Kosovës, se incidenti në Banjskë ishte një përpjekje e Serbisë për të provokuar luftë dhe aneksuar veriun, institucionet e institucionet e Kosovës janë përgjegjëse për hetimin e qytetarëve të saj.

Pesë rezoluta të ndryshme janë dërguar në Parlamentin Europian për ngjarjen në Banskë më 24 shtator. Grupe të ndryshme eurodeputetësh kanë dënuar sulmin në veri të Kosovës dhe kanë kërkuar vënien e përgjegjësve para drejtësisë.  

Ministri turk i Mbrojtjes, Yasar Guler, gjatë vizitës në Prishtinë konfirmoi mbështetjen për anëtarësim në Kombet e Bashkuara dhe NATO.

Ne përkrahim sovranitetin dhe tërësinë territoriale të Kosovës dhe anëtarësimin e saj në qarqet ndërkombëtare. E theksuam faktin që duke nisur nga Kosova, paqja, mirëqenia dhe siguria në Ballkan çështje me rëndësi të madhe për ne”, theksoi ai.

Turqia ka marrë drejtimin e KFOR-it dhe Guler premoi realizimin e kësaj detyre me neutralitet.

Kosova dhe Serbia ulen sërish në tryezën e bisedimeve të shtunën. Presidenti serb dhe kryeministri i Kosovës do të takohen me ndërmjetësimin e të dërguarve të SHBA-së dhe BE-së.

Takimi është i pari pas sulmit në Banjskë, ku mbeti i vrarë efektivi i policisë së Kosovës, Afrim Bunjaku.

Takimi vjen pas një sërë takimesh të tjera diplomatike të përfaqësuesve të SHBA-ve, Francës, Gjermanisë, Italisë dhe BE-së.