ps

Shqipëria po konsumon një krizë në qeverisjen e vendit, me ministra që ikin pa thënë pse dhe të tjerë që nuk hyjnë dot në qeveri. Mund të ketë shumë mënyra për ta shpjeguar këtë krizë, e cila është simptomë. Simptomë e keqqeverisjes, e fazës degraduese të pushtetit, por edhe e asaj që është shndërruar Partia Socialiste. 

Kur hyn në një parti nuk i bën do të gjitha.Unë që kur hyra në parti hoqa dorë nga ideja që mund të shkoja prapë në plazh nudo. Nuk shkoja dot më, se mbaroi. Po ka dhe të tjera, diskutojmë ne me njëri tjetrin dhe kemi ndonjë shok që thotë jam njeri i lirë. Jo mo se nuk je njeri i lirë, je i lirë ta thuash këtu dhe ta diskutojmë këtu, por nuk je i lirë të dalësh atje e të gjuash me gurë shtëpisë ku jemi bashkë se nuk ka kuptim. Nëse do të dalësh ti gjuash me gurë shtëpisë, ik se nuk je pjesë e shtëpisë

Në historinë e kësaj që ndodhi sot me ish-ministrin e Brendshëm, lajmi është se dorëheqja e tij u njoftua nga kryeministri Edi Rama që bëri kështu edhe rolin e zëdhënësit. Siç bëhet e ditur tashmë, Fatmir Xhafa i ka paraqitur dorëheqjen kryeministrit ditën e enjtë dhe në deklaratën e tij nuk jep asnjë arsye për largimin. Sqarimi i këyre motiveve është detyrim për opinionin publik në Shqipëri që në kushtet e mungesës së transparencës ka të gjithë të drejtën ta shpjegojë këtë që po ndodh me dyshimin se kemi të bëjmë me larje hesapesh. 

Policia dhe qeveria “bënë namin” dje në mbrëmje. Dy ish-deputetë socialistë të arrestuar, dy persona të njohur të botës së krimit në kërkim, një vëlla i njërit prej ish-deputetëve arrestuar; arrestuar po ashtu vëllai i Drejtorit të Transporteve, ish-deputetit socialist, Arben Isaraj, këta dhe të tjerë ranë në pranga.

Aksioni përfshin edhe kërkimin e Klement Balilit, ndërkohë që duket se “partia nuk po kursen radhët e veta”.

Jam i vetëdijshëm që në në çdo qark, çdo rreth, në çdo bashki ka drejtorë që po na nxjerrin bojën

Kshtu shprehej kryeministri në maj të vitit 2015 gjatë një mbledhjeje me zyrtarë të administratës në Shkodër. Asokohe ky material rrodhi si audiopërgjim dhe as u mohua ndonjëherë nga Edi Rama.

Sot në mbledhjen e Grupit Parlamentar, z. Rama përsërit të njëjtën akuzë:

Kemi ca drejtorë legenë që po na nxijnë fytyrën me korrupsion e keqmenaxhim

Në dokumentin që mazhoranca ka hartuar për propozimet për ndryshimin e Kodit Zgjedhor, socialistët thonë se janë integruar vetëm rekomandimet e OSBE ODIHR-it.

Paketa përfshin ndryshime të shumta të shumta të Kodit, por bie në sy se nuk janë të përfshira, as kërkesa e opozitës për futjen e teknologjisë në zgjedhje dhe as vota e emigrantëve. Të dyja këto çështje, sipas burimeve nga shumica, do të implementohen në draftin që do t’i çohet Kuvendit, vetëm nëse do të merret edhe dakordësia e opozitës.

Diçka e rëndësishme pritet të ndodhë me Shqipërinë dhe opozitën. Nga e dimë ne këtë gjë? E kemi të thjeshtë përgjigjen: mediat e pushtetit kanë nisur të riqarkullojnë fjalët e mençura dhe fytyrën e Majlinda Bregut.

Sa herë që politika i hap petët lakrorit të hajdutërisë na del përpara e njëjta skemë: deputetë që fusin hundët dhe duart ngado ku luhet paraja. Me pak vëmendje këtij mekanizmi mund t’i japësh edhe një karakteristikë të vetën. Për qeverinë e z. Rama deputetët që dalin thuajse ngado në akuza, janë ata që kanë mbërritur në politikë me katapultimin e vetë kryeministrit. Rilindas të ardhur në PS pas vitit 2005. Qoftë ata që akuzohen sot, qoftë ata që u diskredituan dje.

Lulzim Basha ka propozuar së fundmi një nismë të re për vettingun e politikës. Ndonëse drafti nuk shihet i publikuar në faqen e Parlamentit, kreu i PD-së thotë se ai është depozituar si projektligj dhe synon pastrimin e politikës.

Ligji që ne sapo kemi dorëzuar në Kuvendin e Shqipërisë  është i thjeshtë dhe i qartë, ai ka për qëllim që ministri i policisë të mos ketë lidhje me krimin, Ministri i Drejtësisë të mos ketë lidhje me krimin dhe mbi të gjitha, kryeministri i vendit të mos ketë lidhje me krimin

Të rinjtë e LSI-së janë angazhuar për të rrëzuar qeverinë. Mediat përcjellin një video ku shihen adoleshentë që betohen nën thirrje me tone luftarake kundër qevrisë. Në një rreshtim ushtarak, por të veshur me rroba mbrëmjeje, këta të rinj I betohen për “luftë” “Burrneshës”, mesa duket zonjës Kryemadhi.

Nuk dihet nëse është takim humoristik, apo LSI-ja është inatosur vërtet, por duhet thënë se kjo vetëm normale nuk duket.