opozita

Ambasada amerikane në Tiranë ka shpërndarë sot një deklaratë për shtyp ku shpreh zhgënjimin e saj mbi dështimin e takimit të 6 qershorit mes kryeministrit Edi Rama dhe kreut të PD-së, Lulzim Basha. Ambasada vlerëosn se “qeveria shfaqi fleksibilitet, kurse opozita jo”. Një ditë pas takimit, Basha deklaroi se opsioni i vendeve të rezervuara, ishte sugjeruar nga ambasadori Donal Lu, ndërkohë që sot ka deklaruar se në dështimin e reformës, bashkëpërgjegjës janë edhe ambasadorët. Më poshtë deklarata, që është në mbështetje të hapur të qeverisë:

Shkëputja e Agron Dukës nga Partia Republikane nxiti hamendësimet për qëllimet dhe aktorët që qëndrojnë pas këtij projekti politik. Influenca që Duka ka në qarkun e Durrësit i japin peshë prezencës së Partisë Agrare Ambjentaliste në konjukturën politike që sa vjen dhe fragmentarizohet. Për momentin Agron Duka është i pozicionuar në opozitë, siç njoftohet në një komunikatë të Partisë Agrare Ambjentaliste që pasqyron një takim të Dukës me fermerët e Korçës.

Ministri i Brendshëm, Sajmir Tahiri ligjëroi sot para të rinjve që fituan të drejtën për të vazhduar studimet në Akademinë e Sigurisë, duke folur fatkeqësisht për veten dhe për opozitën dhe jo për integritetin e policisë. Ministri përdori podiumin e një institucioni shtetëror për të bërë politikë, duke u treguar policiëve të ardhshëm se kush janë të mirët dhe kush të këqinjtë në këtë vend.

Knut Fleckenstein, reporteri për Shqipërinë ka zhvilluar takime me përfaqësues të politikës, ndonëse nuk është me vizitë zyrtare në vendin tonë. Ai sqaron në një intervistë për “Top-Channel”, rëndësinë e reformës në drejtësi dhe zbulon se atë e kundështojnë “politikanët bizneshmenë”.

A duhet të kushtëzohet reforma në drejtësi me reformën zgjedhore, siç kërkoi opozita pak ditë më parë?

Në Kenia kanë nisur protestat kundër Komisionit të Zgjedhjeve, ndonëse procesi zhvilloher në vitin 2017. Opozita kërkon zgjedhje të lira presidenciale, ndonëse në vitin 2013, drejtuesja e sotme e opozitës, Raioa Odinga, rezultoi humbëse. “Al Jazeera” raporton se kjo është protesta e tretë brenda një muaji në kryeqytetin Nairobi dhe ka si shkak pretendimin e opozitës se vendimet e komisionit kanë qenë të paragjykuara. Policia nuk hezitoi në përdorimin e dhunës kundër protestuesve që kërkojnë rinovimin e komisionit zgjedhor.

Në aksin Kavajë – Plepa para disa ditësh ndodhi një aksident rrugor me pasojë tragjike vdekjen e dy njerëzve, fëmijë. E ëma që kreu aksident po shkonte në Rrogozhinë, ku i shoqi mbahej në burg për një ndërtim pa leje. Aksidenti ndodhi në një vend ku mbrojtësja anësore ishte prishur, për të favorizuar një pikë karburanti e cila është në pronës të babait të shefit të Kabinetit të ministrit të Transporteve. Në lidhjet e mëposhtë kemi sqaruar për disa ditë se Policia Rrugore ka kërkuar zgjidhjen e situatës, duke deklaruar se SIGURIA NË KËTË AKS ËSHTË PROBLEMATIKE, mungon sinjalistika etj..

Dy ditë pasi në media dhe në skenën politike është konsumuar çështja "Balili" ka dalë në një deklaratë për shtyp edhe kryetari i PD-së, Lulzim Basha. "Me bekimin e ministrit te brendshem dhe nen mbrojtjen e policise Klement Balilaj prej dy ditesh eshte arratisur dhe nuk gjendet. Kjo nuk eshte rastesi por sherbimi i fundit pas lehtesirave per trafikun e droges qe Sajmir Tahiri i beri Klement Balilajt.

Rasti i Klement Balilit po nxjerr në dritë se deri ku i ka zgjatur duart politika në aktivitete kriminale, mbrojtjen e tyre apo edhe mbështetjen e forcës elektorale mbi njerëz që kanë lidhje me botën e jashtëligjit. Deklaratat e sotme flasin për një instrumentalizim të çështjes e cila për fat të mirë ka nisur nga jashtë.

Dy standarde nga LSI

Ministri i Drejtësisë, Ylli Manjani, deklaroi sot se Balili është shkarkuar nga detyra, pasi sipas tij “ky është minimumi që mund të bëhet në rastet kur zyrtarë të ndryshëm Përfliten”.

Kryeministri i vendit Edi Rama, ka deklaruar sot në fjalën e tij në Parlament, se reforma në drejtësi u jep fund ndër të tjera strukutrave që aktualisht kontrollohen nga opozita. “Po të ishit kaq apasionantë për të luftuar krimit, duhet të ishit ju të parët që të prisnit pas derës te komisioni për reformën dhe jeni ju që i shmangeni asaj. Nxirrni përralla për të shtyrë reformën në drejtësi.  Ju i ikni reformës në drejtësi, sepse shemb piramidën e sotme të drejtësisë dhe të gjithë strukturat dhe mekanizmat që ju kontrolloni bie.

Pas vërejtjeve që parashtroi një ditë më parë për draftin e reformës në drejtësi  Partia Demokratike sot ra dakord për të filluar diskutimet nen për nen të këtij drafti. “Vota jonë pro fillimit të procesit të amendamenteve, të diskutimeve nen për nen të amendamenteve Kushtetuese ashtu siç dhe u ra dakord në mbledhje, nuk duhet të interpretohet si një votë pro çështjeve politike, të cilat ekspertët e misionit të EURALIUS dhe OPDAT nuk i kanë marrë në trajtim”-tha nw deklaratwn e tij Eduard Halimi.