Slideri Kryesor

Qeveria do të investojë 5 milionë dollarë për sigurinë dixhitale të shkollave të arsimit të mesëm. “60 shkolla të mesme që aktualisht kryejnë mësim me tablet do të pajisen me kamera sigurie”, raporton “Telegraf”. Shpërndarja do të jetë: në total 1100 kamera me një mesatare prej 10-25 kamera për  çdo shkollë. Kamerat do të administrohen nga një sistem qendror në kohë reale. Gazeta citon edhe dokumentin e projektit që vë theksin te “privatësia” dhe te shmangia e “vendosjes së kamerave në klasa për të mbledhur të dhëna për qëllime të performancës ose në procedurat mësimore”.

Rolf Castro-Vasquez, drejtues i Aeroportit Ndërkombëtar të Tiranës dhe president i Shoqatës Gjermane të Industrisë dhe Tregtisë në Shqipëri (DIHA), ka një shpjegim se pse niveli i investimeve të huaja të drejtpërdrejta në Shqipëri është i pakënaqshëm.

Çështja e vazlës së refugjatëve që po drejtohet drejt Europës është trajtuar së fundmi nga revista gjermane “Spiegel” që është përpjekur të vlerësojë rrjedhojat e politikës austriake të mbylljes së kufijve. Sipas revistës në fjalë ajo që po ndodh në kampin grek të Idomenit është vërtet e trishtueshme, por për gjermanët dhe qeverinë e tyre ka anën e mirë se ka ulur numrin e refugjatëve që shkojnë në Gjermani. Kriza diplomatike mes Austrisë, Sllovakisë nga njëra anë dhe Greqisë nga ana tjetër ka zbuluar qartë se në Europë fjala solidaritet nuk ekziston më. Ose nuk është aq e përhapur.

Bashkimi Europian ka hapur para disa ditësh një hetim të thellë mbi blerjen e përbashkët që kompanitë “Aribus Group SE” dhe “Safran SA” i bënë kompanisë kryesore europiane të lëshimittë raketave. Sipas raportimeve mediatike hetimi niset nga premisat se ndërhyjra e bërë në treg nga dy kompanitë e mësipërme mund të pengojë invoacionin dhe të çojë në rritje çmimesh në një sektor që bazohet gjerësisht mbi optimizimin e këtyre dy aspekteve.

Përplasja Blushi-Rama përballë turmës by lapsi-al

Kryetari i Partisë Demokratike, Lulzim Basha, ka qenë sot i ftuar në emisionin “Fakt” në “syri.net”. Basha është pyetur gjerësisht për shumë probleme të aktualitetit politik, mes të cilave edhe se cili do të jetë qëndrimi i opozitës në rast se “z. Rama sipas jush është i vendosur për konflikt dhe jo marrëveshje”. Në përgjigje të kësaj pyetjeje, Basha tha: “...Unë kam përgjegjësitë e mia si kryetar i opozitës. Unë kam përgjegjësitë e mia si njeriu ku me të drejtë varen shpresat për të nesërmen. Unë s’kam ndërmend t’i përgjigjem Ramës me kartën e tij.

Ditët e fundit po i japin opinionit publik një dëshmi të qartë të ndarjes në Partinë Demokratike, e cila nuk është më për opinione apo gjykime mbi çështje të caktuara, por për strategjinë e saj si opozitë e vendit. Dhe ndarjet në strategji, kanë si premisë ose adoptimin e parimeve të ndryshme, ose të qëllimeve dhe axhendave të ndryshme, që çojnë mandej në krijimin e dy linjave që rivalizojnë. Kjo po ndodh edhe në opozitën shqiptare në Parlament.   

Është shoqëruar me tensione takimi i Partisë Socialiste në Elbasan. Sipas zakonit të vjetër të asaj partie, “disidenti” i radhës nuk është thirrur në takim, por kësaj radhe Ben Blushi, që është kthyer nga “komentator” në armik të PS-së, sipas një formulimi parafabrikat të Taulant Ballës, ka shkuar vetë në mbledhje. Siç raportohet në takim ka folur kryetari i PS-së, Edi Rama, mandej është ndërprerë transmetimi me regji, janë nxjerrë jashtë gazetarët, pasi të gjithë duhet të jenë të kënaqur që për popullin mjafton fjala e kryetarit. Të tjerat “i di Partia”. Po çfarë ka ndodhur aty brenda?

Partia Demokratike ka depozituar tri kërkesa për referendum për ndërtimet në zona të gjelbra në Tiranë. Kreu i Departamentit për Mjedisin në këtë parti, Jamarbër Malltezi,, deklaroi se kërkesat lidhen me ndërtimin e parkimit nënëtokësor te parku “Rinia”, ndërtesat që zyrtarisht njihen si ndërtesa social-kulturore në të dy krahët e Korpusit Universitar si dhe ndërtimi te Parku i Liqenit i atij që quhet si Kënd Lojërash. Malltezi tha se janë marrë vendim që bien në kundërshtim me ligj, në anashkalim të procedurave.

Punon të gjithë jetën tënde, derdh kontributet dhe në fund për të plotësuar dosjen që çon në vendimin për të marrë pensionin duhet të sorollatesh pa fund. Kjo ndodh në Shqipëri prej vitesh, ku njerëz të moshës për pension duhet të menaxhojnë vetë të gjithë dokumentacionin që u mungon zyrave të sigurimeve shoqërore. Jo rrallë ndodh që mungesa e dokumentacionit çon në proces gjyqësor për verifikim fakti , ku thirren dëshmitarë “ish-shokë të kolektivit punonjës” për të bindur institucionet se ti je ai që ke punuar aty ku institucionit i mungojnë letrat.