Slideri Kryesor

Blerja e aksioneve të Bankers Petrolium nga kompania kineze Geo - Jade Petroleum Corporation në vlerën e 440.4 milionë dollarëve shihet si një epërsi  që tregu shqiptar i hidrokarbureve po fiton ndaj fqinjëve dhe kryesisht Greqisë që mendohet se ka rezerva nafte të së njëjtës cilësi me atë të Patos Marinzës.

Gjykata Ndërkombëtare për Krimet e Luftës nëHagë shpalli të pafajshëm duke e liruar nga të gjithë akuzat udhëheqësin radikal serb, Vojisllav Sheshel. Ishin nëntë akuza të ngritura kundër tij, tre për krime kundër njerëzimit dhe gjashtë për krime lufte, lidhur me nxitjen e spastrimit etnik në Bosnjë, Kroaci dhe Vojvodinë. Ai nuk ishte i pranishëm në sallën e gjyqit në Hagë, sepse u la i lirë në 2014 si i diagnostikuar me kancer.

Presioni i opozitës për mandatet e deputetëve Leskaj e Suli duket se ka dhënë rezultat. Ndonëse për javë të tëra qëndruan në heshtje dhe refuzuan t’i nënshtrohen procedurës si në rastin e deputetit Koço Kokëdhima, Leskaj e Suli kanë treguar një ditë pas vizitës së komisionerit Hahn devotshmërinë që mandati i tyre të çohet në Kushtetuese. Nënkryetarja e Kuvendit, Valentina Leskaj, i është drejtuar me një letër kryetarit të kuvendit Ilir Meta, ku i kërkon që të jetë parlamenti ai që të vërë në lëvizje Gjykatën Kushtetuese për mandatin e saj.

Rreth 2000 refugjatë dhe mbështetës të tyre grekë kanë manifestuar në Athinë për të kërkuar hapjen e kufijve dhe kalimin e tyre në Europë. Refugjagtët u niseën nga porti i Pireut dhe u grumbulluan fillimisht në sheshin Omonia. Ata marshuan drejt parlamentit grek dhe më pas u tubuan para selisë së Komisionit Europian në Athinë. Aty protestuesit dogjën një flamur të Bashkimit Europian.Protesta e refugjatëve në Athinë u zhvillua disa orë pasi në Idomeni refugjatë të tjerë ishin përkeshur me forca të policisë greke.

Kuriozitetit të studiueses Ledi Shamku Shkreli se përse liturgjitë katolike nuk kryhen sipas traditës së gegnishtes i është përgjigjur prift Dom Gjergj Meta. Pyetja e studiueses ishte si më poshtë: "Duke qenë se repertori i çdo gjuhe, pra edhe i shqipes se nuk e kemi sui generis, përbëhet nga regjistra e sidomos nga nënkode e ligjërime sektoriale, e duke qenë se: 1. Ka sllavishte kishtare (që nuk është sllavishtja letrare), ka greqishte liturgjike (që nuk është greqishtja letrare) etj., etj. me radhë; dhe: 2.

Komisioneri për Mbikqyrjen e Shërbimit Civil në Shqipëri ka zhvilluar së fundmi një hetim administrativ në Drejtorinë e Përgjithshme të Tatimeve nga i cili kanë rezultuar probleme në emërime në këtë institucion. "Në shkresën që ndodhet online në faqen e këtij institucioni, Komisioneri ka konkuduar se një zyrtar i lartë në Drejtorinë e Përgjithshme të Tatimeve është emëruar në këtë post duke shkelur ligjin, pasi nuk plotësonte asnjë kriter për postin e rëndësishëm. Zyrtari në fjalë është Përgjegjës i Sektorit të Projekteve në Drejtorinë e Teknologjive dhe Informacionit në DPT.

Ben Blushi ka deklaruar sot se procesi referendar në Partinë Socialistë është i trukuar. Fakti që nuk ka fushatë e provon një fakt të tillë dhe për këtë arsye, kongresi i fundit konfirmoi vrasjen e të drejtës së votës në PS. Nga data e referendumit mbeten vetëm 10 ditë, por nga sa është përcjellë në media, asgjë nuk është bërë për të lobuar mbi anëtarësinë socialiste.

Aeroporti i Tiranës, menaxhimi dhe shfrytëzimi i tij, mund të kalojnë në duart e kinezëve. Ndonëse qeveria shqiptare dhe koncesionari gjerman janë në negociata për heqjen e ekskluzivitetit dhe, gjermanët po verpojnë në bursë. “Mësohet se ka disa muaj që kinezët e “Fairmont Investment Group” janë në bisedime me palën gjermane për të blerë aeroportin dhe tashmë po shkojnë drejt finalizimit të shitjes. Burime konfidenciale thonë se blerja e aksioneve të TIA-s është çështje ditësh.

Ardhja në Tiranë e Komisionerit Johanes Hahn duket se nuk solli asnjë ndryshim në qëndrimet që palët po mbajnë për çështjen e reformës në drejtësi. Zyrtari europian kërkoi që opozita të mos vendosë kushte dhe të mos e ndërlikojë procesin e reformës në drejtësi me çështje të gjykatave. “Mendoj se kam qenë i qartë sa i përket reformës në drejtësi. Duhet të fokusohemi tek ajo reformë dhe jo t’i ndërlikojmë gjërat. Fokusi duhet të jetë vetëm reforma në drejtësi”, tha Hahn, duke bërë apel për dialog dhe rinisje të punës”.

Ministri i Brendshëm Sajmir Tahiri i kërkon Ilir Metës të mbledhë armët në kuvend, pasi janë shumë deputetë që ashtu si Strazimiri kanë mbajtur pa i dorëzuar armët siç parashikonte ligji i ri. Në një letër drejtur kreut të parlamentit, Tahiri thotë se deputetët nuk bëjnë pjesë në grupin e personave që mund të mbajnë armë. “Dëshiroj gjithashtu t’Ju kujtoj se të gjithë deputetët e Kuvendit të Shqipërisë që në bazë të dispozitave të Ligjit të ri Për Armët, nuk bëjnë pjesë në grupin e personave që mund të mbajnë armë, kanë detyrimin që t’i dorëzojnë ato në organet e Policisë së Shtetit.