Blloku Politikë

Ka ditë që flitet e përflitet për disa deputetë të Partisë Demokratike që mund ta “dredhin” e të votojnë për draftin e mazhorancës për reformën në drejtësi. Në kuadër të këtij pazari miliona eurosh që ka nisur e vazhdon ndërkohë, Partia Demokratike doli me qëndrimin, se nëse një nga deputetët e saj bën këtë gjë, ajo do të djegë mandatet. Çfarë legjitimiteti ka një reformë që miratohet me deputetë të trafikuar e të blerë, të cilët mandej do shiten si si deputetë me ndërgjegje shtetformuese?

Partia Demokratike ka shpërndarë sot fjalën që mbajti sot në Parlament deputeti Flamur Noka, njëkohësisht nënkryetar i Komisionit të Sigurisë Kombëtare. Duke e parë si një qëndrim zyrtar të PD-së në një seancë ku mungonte ish-kryeministri Sali Berisha, po sjellim këtu pikën kryesore të fjalës së tij që ishte ajo e akuzës për implikim të ministrit të Brendshëm, Sajmir Tahiri, në çështjen e përgjimeve.

Ministri i Brendshëm Sajmir Tahiri ka kohë që nuk ka çehre të mirë në fytyrë. Dy ditët e fundit e kanë vënë atë para faktit të shkarkimit të arrestimit të dy vartësve, shkarkimit të drejtorit të Policisë, Haki Çako, që pranoi përgjimin në prokurori. Zhvillime që janë tjerrur edhe nga politika me gjithfarë spekullimesh: ish-kryeministri Sali Berisha deklaroi sot se kryeministri po i bën presion të madh ministrit të Drejtësisë për këtë çështje.

Deklarata e ambasadës amerikane se qeveria u tregua fleksibël për reformën në drejtësi dhe opozita jo, shkaktoi një thyerje të madhe në raportet mes selisë diplomatike të Shteteve të Bashkuara dhe opozitës zyrtare në Shqipëri.

Konferenca e kryetarëve miratoi me konsenus kalendarin 3 javor të punimeve të parlamentit pa përfshirë në axhendë votimin e paketës për reformën në drejtësi, çka do të thotë se reforma nuk do të marrë dritën jeshile as në qershor. Pas dështimit të takimit me kryetarin e Partisë Demokratike, kryeministri Rama tha se drafti është gati të shkojë në parlament dhe të votohet. Por mesa duket përtej retorikës llogaritë e partive parlamentare bashkohen në një pikë, për të mos e kaluar ligjin të paktën për 3 javët e ardhshme.

Ambasada amerikane në Tiranë ka shpërndarë sot një deklaratë për shtyp ku shpreh zhgënjimin e saj mbi dështimin e takimit të 6 qershorit mes kryeministrit Edi Rama dhe kreut të PD-së, Lulzim Basha. Ambasada vlerëosn se “qeveria shfaqi fleksibilitet, kurse opozita jo”. Një ditë pas takimit, Basha deklaroi se opsioni i vendeve të rezervuara, ishte sugjeruar nga ambasadori Donal Lu, ndërkohë që sot ka deklaruar se në dështimin e reformës, bashkëpërgjegjës janë edhe ambasadorët. Më poshtë deklarata, që është në mbështetje të hapur të qeverisë:

Një ditë pasi gjykata vendosi shkarkimin nga detyra të drejtorit të Policisë, Haki Çako, në kuadër të hetimeve për pajisjen përgjuese, dy personat të prekur direkt në këtë aferë, ministri i Brendshëm, Sajmir Tahiri dhe kryeministri Edi Rama, kanë reaguar duke përdorur gjuhën e forcës. Ministri shprehu që dje mbështetje për oficerët e shkarkuar, një sinjal që merr kuptime të tjera në kushtet e një personi që është në presionin hetimor.

Gjykata Kushtetuese ka mbyllur çështjen e konfliktit të interesit mes mandatut të deputetes Valentina Leskaj dhe përfitimit të fondeve publike nga djemtë e saj. Gjykata, e vënë në lëvizje nga një kërkesë e PD-së, por edhe nga disponimi i vetë deputetes, ka vendosur se kërksa nuk përmbush kriteret kushtetuese dhe ligjore për të legjitimuar shqyrtimin e çështjes prej saj. Gjykata ka çmuar se kërkesa siç është formuluar del jashtë juridiksionit të saj. Vendimi i shpëton mandatanin Valentina Leskajt, e cila është përfolur jo pak nga PD-ja.

Kreu i opozitës, Lulzim Basha bëri sot një deklaratë të fortë, duke lënë të kuptohet se në dështimin e reformës në drejtësi janë përgjegjës edhe ndërkombëtarët. Sipas tij heshtja pas takimit që pati me Ramën e atyre që në 25 vite kanë ndihmuar Shqipërinë i bën bashkëpërgjegjës në dështimin e reformës.