Blloku Politikë

Duket se palët kanë arritur një marrëveshje mbi mënyrën e zgjedhjes së anëtarëve  jogjyqtarë të Kolegjit të Lartë Gjyqësor dhe anëtarëve joprokurorë të Kolegjit të Lartë Prokurorial. Lajmi është bërë publik nga kreu i Kuvendit, Ilir Meta, i cili ka falenderuar kolegët e tij, Edi Rama dhe Lulzim Basha. Propozimi ka ardhur nga Donald Lu dhe Romana Vlahutin dhe nuk dihet mirë se ku konsiston teknikisht, por ai do të zbardhet në mbledhjen e Komisionit të Posaçëm që duhet ta miratojë atë paraprakisht e mandej të kalojë në seancë bashkë me pjesën tjetër të reformës.

Sali Berisha, ish-kryeministër dhe deputet i PD-së ka mbrojtur me anë të një statusi në Facebook, propozimin e eurokomisionerit Johannes Hahn, që mbështet parimin e kërkuar nga opozita për rolin e Operacionit Ndërkombëtar të Monitorimit. Një propozim të cilit PS-ja i bëri bisht dhe sot e cilësoi thjesht një letër: "Per Edvin Shullazin e Xhafen e tij te droges, marreveshja e djeshme eshte thjesht nje cope leter!!

Ka qënë një letër e komisionerit të BE-së Johannes Hahn që u duk se solli konsensusin mes palëve në politikën shqiptare. Por një ditë më vonë rezulton se kjo letër ishte thjeshtë një copë letër dhe jo normë juiridike.

Kryetari i Kuvendit Ilir Meta deklaroi sot gjatë fjalës së tij se po aplikohet shantazh me sms ndaj deputetëve. Nga kush? Sipas faqes “lapsi.al” presionin po e aplikon ambasada amerikane me përfaqësues të vet. “Lapsi” përcjell edhe një tekst drejtuar një kryetari të një partie të vogël: “i nderuar zoti...Ne ju presim nesër në selinë e ambasadës deri në ora 12 00 për t i'u informuar për pasojat që do të keni nëse nuk votoni pro reformës në drejtësi. Duke ju falenderuar për bashkëpunimin...”.

Meta u bëri sot thirrje të gjithë aktorëve politikë e diplomatikë që të arrijnë konsensusin për reformën në drejtësi, në mënyrë që ajo të votohet me konsensus sa më të gjerë. Në qoftë se pas arritjes së konsensusit, tha ai, Berisha, apo Topalli, apo ndonjë tjetër nuk e votojnë reformën, le të mbajnë përgjegjësi individuale. Ai garantoi se 20 votat e LSI-se janë depozituar në Uashington, por në qoftë se reforma miratohet vetëm me 94 vota, ajo mund të rrëzohet në Gjykatën Kushtetuese, për shkelje proceduriale. Kjo deklaratë bie ndesh me thirrjen e SHBA-se për votim individual të reformës.

Dalja e kryeministrit Rama një ditë më parë me draftin e ndryshimeve kushtetuese të botuar nga ambasada amerikane, deklarimet e tij se vijat e kuqe nuk kanë ndryshuar dhe qëndrimet që po mbajnë selia diplomatike e Shteteve të Bashkuara dhe Bashkimit Evropian lënë të kuptohet se amerikanët nuk e negociojnë draftin që ndihmës/sekretarja Nulland u la në tavolinë palëve.

Kryetari i Partisë Demokratike doli në një konferencë për shtyp ku hodhi poshtë pretendimet se Partia Demokratike ka prezantuar kushte të reja pas arritjes së marrëveshjes një ditë më parë. “Eshtë pretenduar dje, se Basha ka prezantuar kushte të reja pasi është arritur marrëveshja. Ky është një mashtrim i turpshëm. Ditën e Hënë, Partia Socialiste i konfirmoi negociatorit tim përmes negociatorit të saj se marrëveshja është për të katër institucionet”-tha Basha.

Tensioni që u vu re paraditen e sotme në mbledhjen e konferencës së kryetarëve mes kryetarit të kuvendit, Ilir Meta dhe kreut të Komisionit të Posaçëm për Reformën në Drejtësi, Fatmir Xhafa konfirmoi çarjen e madhe të koalicionit qeverisës. Kryeministri është përpjekur të përcjellë idenë se koalicioni është i unifikuar, por reagimet dhe qëndrimet e palëve kanë dëshmuar të kundërtën. E majta është në krizën e radhës dhe pikëpyetja është nëse, qeveria formalisht do qëndrojë në këmbë me ose pa Ilir Metën.

Ministri i Drejtësisë Ylli Manjani, pjesë e grupit negociator të mandatuar nga tryeza e kryetarëve të partive, ka dhënë këtë prononcim pas mbledhjes së sotme.

Z. Manjani a keni një produkt nga komisioni negociator përsa i përketreformës në drejtësi pasi z. Xhafaj ka thënë që nuk ka një finalizim të njëmarrëveshje të negociatorëve dhe a është rënë dakord që përveçse dyinstitucionet të jenë edhe dy të tjerat sipas vetingut?