Blloku Politikë

Procesi i vetingut të gjyqtarëve dhe prokurorëve do të zgjasë 5 vjet. Kështu shprehet kreu i Departamentit të Partisë Demokratike për Sigurinë, Rendin Publik dhe Luftën kundër Krimit, Enkelejd Alibeaj , i cili ka folur në një intervistë për “News24”. “Duhet të miratohen rreth 40 ligje. Procesi i vettingut do të zgjasë 5 vjet. Pavarësisht kërcitjeve politike që shoqëruan miratimin e paketës së ndryshimeve kushtetuese unë shoh një zhvillim të mirë: faktin që palët politike, shumica e tyre, gjetën kohën, mundësinë, maturinë, kryeneçësinë që një reformë kushtetuese duhet parë me sinqeritet.

Bujar Kapexhiu e lexon kështu ballafaqimin për reformën në drejtësi

Sekretari i Përgjithshëm i Partisë Demokratike, Arben Ristani, ka deklaruar gjatë një interviste në “Ora News” se nuk do të ketë një aleancë me Lëvizjen Socialiste për Integrim. “Nuk mund të ketë një aleancë me dy partitë që janë në pushtet, ne jemi kundërshtarë të tyre dhe mendojmë se janë të dy përgjegjës për gjendjen e Shqipërisë dhe nuk mund të kemi një aleancë”, tha Ristani.

Prokuroria për Krime të Rënda ka përfunduar hetimet dhe dërgon për gjykim kancelaren e Gjykatës së Apelit, Durrës, Suzana Mandija, e akuzuar për veprën penale të “Korrupsionit pasiv…të funksionarëve të drejtësisë”. E pandehura akuzohet se i ka marrë një shumë parash një shtetasi, me qëllim që të afronte datën e procesit gjyqësor civil që kishte qytetari në Gjykatën e Apelit në këtë gjykatë. Gjithashtu, Prokuroria për Krime të Rënda, dërgon për gjykim edhe shtetasin Gëzim Shala, i akuzuar për « ushtrim ndikimi të paligjshëm ».

Deri para nënshkrimit të marrëveshjes për miratimin e reformës në drejtësi, ambasada amerikane më Tiranë, nuk e kurseu gjuhën e drejtëpërdrejtë ndaj Lulzim Bashës, për të cilin tha se ishte e zhgënjyer, pasi çdo herë nxirrte nga një pretendim të ri. Ky raport i ri mes selisë diplomatike të Shteteve të Bashkuara dhe Partisë Demokratike vuri në pikëpyetje edhe kohezionin brenda grupit parlamentar demokrat, deputetë u shprehën të shqetësuar për marrëdhëniet e krijuara mes Bashës dhe amerikanëve. Por dje ishte dje dhe sot është sot.

Miratimi me konsensus i reformës në drejtësi u përshëndet nga Përfaqësuesja e Lartë e BE-së për Politikë të Jashtme dhe Siguri, Federika Mogerini, dhe komisioneri europian për Politikat Evropiane të Fqinjësisë dhe Negociatave për Zgjerim, Johanes Han. Ata vlerësuan forcat politike që arritën konsensusin për një vendim të tillë historik, dhe theksuan se i rëndësishëm është zbatimi i saj.

Mbyllja e reformës në drejtësi hap një front të ri për opozitën. Kryetari i PD-së, Lulzim Basha pasi përshëndeti marrëveshjen tha se aksioni i radhës i opozitës, do të përqëndrohet në reformën zgjedhore.

LSI do të qëndrojë në qeveri, pavarësisht zhvillimeve që vunë në pikëpyetje koalicionin e majtë. Të paktën këtë konfirmoi Ylli Manjani për Opinion, kur u pyet nëse LSI do të ndërmarrë një mocion mosbesimi ndaj kryeministrit Rama. "Në dijeninë time më të mirë jo, s’kemi histori, skenarë me vijë apo prapavijë.

Pas miratimit në Kuvendin e Shqipërisë, ambasadori amerikan ka dalë me këtë deklaratë: "Miratimi i reformës në drejtësi, mbi të gjitha, është një fitore për popullin shqiptar. Përkushtimi juaj e ka bërë Shqipërinë një vend më të drejtë dhe më demokratik. Përgëzoj parlamentin për gjetjen e konsensusit nën trysni jashtëzakonisht të madhe.

"Top-Channel" referon këtë përmbajtje të marrëveshjes së sotme për kandidatët e Këshillit të Lartë të Gjyqësor dhe atij Prokurorial.