Blloku Politikë

Kryeministri i vendit Edi Rama po përpiqet t’i buzëqeshë padisë së bërë nga dy deputetët e opozitës. Ta ironizojë atë dhe ta zhvlerësojë. Por padia është padi dhe ndërkohë që z. Rama përbetohet si demokrat, ai padashur, apo nën siklet i ka dalë ëprpara hetimeve në rastin e oficerit Nuhu. Z. Rama nuk mund të deklaroj se oficeri është horr dhe se I është vënë këmba – këmbës. Kjo deklaratë patjetër që interferon në hetime sepse ne e dimë që Prokuroria e Shqipërisë nuk është prokurori e Zvicrës.

Në Tiranë po zhvillohet konferenca “Serbët dhe Shqiptarët – Në cilin drejtim?”, organizuar nga TANJUG dhe Agjencia Telegrafike Shqiptare. Në konferencë ka folur edhe ministri i Jashtëm, Ditmir Bushati, i cili është përpjekur të tregohet realist, në ndryshim nga eprori i tij që kur vjen puna te Serbia është entuziast. Ministri ka folur për marrëdhënie të brishta, që mund të zhvillohen normalisht si mes dy fqinjëve. Ai nuk ka harruar Luginën e Preshevës, ku Serbia duhet të bëjë më shumë, ndërkohë që ka shprehur zhgënjimin e vet për qasjen neutrale të Serbisë në çështjen e sigurisë.

Shtatori pritej të sillte konsensus për reformën zgjedhore, ku paraprakisht është rënë dakord për testimin e votimit elektronik në disa bashki. Por në mungesë të një “pazari” të momentit dhe eventualitetit të zgjedhjeve të parakohshme, qeveria po avancon axhendëmn e saj lidhur me këtë çështje.

Policia vijon të mbrojë familjen e deputetit socialist Rahman Rraja edhe pse e detyruar nga presioni publik u detyrua t’i arrestojë djalin. Ka një sinkronizim të plotë mes Policisë dhe bindjes së deputetit se i biri nuk ka ushtruar dhunë ndaj Xhisiela Malokut.

Deputeti socialist nuk ishte i pranishëm në mbledhjen e grupit parlamentar socialist që zhvillua me dyer të mbyllura këtë të hënë. Por i pyetur për vendimin e Gjykatës së Krujës, pas një takimi me Taulant Ballën ai ka mohuar që djali i tij të ketë dhunuar 25 vjeçaren.

Arrestimi i djalit të deputetit duhet të kishte ndodhur që në muajin korrik qëkurse ai u denoncua por dhunë, por të qënit kanakar i pushtetit stepi policinë fillimisht dhe më pas prokurorinë.
Rilindja ka këmbëngulur vazhdimisht se ka një moral tjetër nga ai i qeverisë paraardhëse, por këtë moral e përgënjeshtruan shumë ndodhi duke nisur nga brekët e Shkukriut e kështu me radhë. 

Kryeministri Edi Rama është prononcuar sot përmes tuiterit për ngjarjen e Krujës ku është dhunuar shtetasja, Xhisiela Maloku. 

Dhuna ndaj vajzës është e pafalshme! Po aq i pafalshëm është abuzimi politik me vajzën. Policia ka bërë detyrën pa i bërë asnjë favor djalit të deputetit. Ata që hungërrijnë si derra në llucën e gërrgërreve politike e mediatike po ridhunojnë vajzën. Për ne askush s'është mbi ligjin

shkruan Rama. 

Kryeministri Rama ka reaguar për herë të parë për çështjen e Xhisiela Malokut, e cila bëri kallëzim për djalin e deputetit Rahman Rraja dhe më pas e tërhoqi atë.

Në një postim në twitter Rama shkruan se dhuna ndaj vajzës është e pafalshme!Po aq i pafalshëm sipas tij është abuzimi politik me vajzën.

“Policia ka bërë detyrën pa i bërë asnjë favor djalit të deputetit.Ata që hungërrijnë si derra në llucën e gërrgërreve politike e mediatike po ridhunojnë vajzën.Për ne askush s'është mbi ligjin”-shkruan Rama.

Rezultate konkrete javët në vijim ka paralajmëruar Fatmir Xhafa në luftën kundër krimit. Sipas një postimi të tij në Tëitter, me pritshmëritë e qeverisë është njohur edhe Bashkimi Europian, më konkretisht ambasadori i ri, Luigi Soreca, i cili zëvendësoi në këtë detyrë Romana Vllahutin.

Ambasadori që iku, Donald Lu la mes nesh edhe trashëgiminë kriminale që kishte konstatuar gjatë mandatit të tij në Shqipëri, 4 klane kriminale që drejtojnë 20 familje mafioze, të cilat dominojnë aktivitetet kriminale në vend.

Juristi Çlirim Gjata ka deklaruar në studion e TemaTv se vettingu në politikë që të ketë sukses duhet të shoqërohet me reformë kushtetuese, një sistem të ri zgjedhor, krijimin e Senatit dhe kalimin drejt një Republike me zgjedhjen e Presidentit nga populli.

Sipas Gjatës, SPAK-u duhet të hetojë për pasuritë e evidentuara si të pajustifikuara nga vetting, meqenëse aktualisht ky I fundit penalizon duke amnistuar gjykatës dhe prokuorë që thjesht largohen nga detyra.

Intervista e plotë(pjesa për vettingun minuta 11:33):