Blloku Politikë

Disa protestojnë te Ministria e Arsimit, disa në rrethrrotullimin e Zogut të Zi, disa te Kryeministra. Protesta e studentëve ka humbur kohezionin e fillimit, univokalitetin e saj për t’u shndërruar në fraksione protestash ku duken qartë duart e partive politike të opozitës. Qershia mbi tortë, deklarata e Kryeministrit Edi Rama, që nuk heq dot dorë nga protagonizmi:

Protesta e studentëve ka diverguar në dy drejtime: njëri drejtim, i asociuuar me Lëvizjen për Universitetin, që mendon të vijojë protestën para Ministrisë së Arsimit dhe i dyti, nën drejtimin e këshillave studentorë që po planifikon bllokimin e akseve rrugore si p.sh kalimin te Zogu i Zi në Tiranë.

Studentët duket se nuk pranojnë asnjë negociatë për kërkesat e tyre. Protesta ka hyrë në fazën e përdorimit në rastin më të keq dhe të anarkisë në rastin më të mirë, derisa asnjë prej poleve të saj nuk është i gatshëm të pajtojë këreksat me detyrimin që ato të kthehen në politika. Për të arritur këtë është e domosdoshme negociata që nuk kompromenton askënd. 

Protesta e studentëve ka vijuar edhe sot me një pjesëmarrje të konsiderueshme. Me të njëjtin ritëm si në ditët e shkuara, me gjetjet e veçanta në pankarta, që sa vijnë e shtojnë dozën e ironisë deri në kufijtë e mungesës së seriozitetit, protesta po e vendos në vështirësi serioze imazhin e qeverisë e cila nuk ka një përgjigje të përshtatshme deri më tani. 

Kryeministri ka deklaruar sot gatishmërinë për të zgjidhur një sërë kërkesash të studentëve protestues. Sidomos sa i përket tarifave. E megjithatë përfaqësues të këtyre të fundit vijojnë të këmbëngulin të paktën në dy pika: arsim falas dhe dyfishim i buxhetit për arsimin.

Le të zëmë për një moment se me këtë kërkesë do të bihet dakord nga të gjithë na parim. Për cilën arsye këto kërkesa të cilat kërkojnë diskutim të gjerë dhe specializuar vihen në mënyrë ultimative? Këtë duhet ta thonë vetë studentët që nesër thuhet se do të jenë më shumë në Tiranë për të protestuar.

Në 110 minuta monolog kryeministri sfidoi protestën e studentëve duke i ftuar për dialog dhe duke rënë parimisht dakord për ishikimin e tarifave të studimit.

“I gatshëm për të shkuar me tek kërkesave tuaja për tarifat. Jo vetëm 50%, por tua subvencionoje shteti 100% atyre me 9 dhe 10 dhe atyre ne ndihme ekonomike. Por ama duhet dialog, se nuk zgjidhen ne eter. Por nuk bëhet kështu, o ba dua lekë. Do u themi të gjithë që taksat tuaja do përdoren për këta studentë” - deklaklaroi kryeministri.

A do të arrijë PD-ja të mbledhë ato 200 mijë vota që humbi në vitin 2017? Davaja e Edi Ramës dihet tashmë, por ai sidoqoftë ka nga pas një parti dhe disa militantë që nuk e negociojnë votën e tyre. Çështja është se çfarë do të ndodhë me opozitën e Saliut, Lulit dhe Monikës e cila çfarëdo lloj gjëje që prek e ndyn. Në protestën e tanishme të studentëve, dy partitë opozitare kanë marrë rolin e gardianit të saj nga neomarksistët.

Protesta e sotme e studentëve përballë godinës së Ministrisë së Arsimit ka verifikuar hapur përpjekjen e partive politike për t’u infiltruar dhe rrëmbyer drejtimin e saj. Me bilbila dhe duke organizuar kore thirrjesh paralele, të rinj të PD-së dhe LSI-së, siç identifikohen si të tillë nga disa prej studentëve, po përpiqen të prishin një frymë e cila as po i konsideron se ekzistojnë. 

Protestën e studentëve e ka marrë si temë për një shkrim të vetin edhe publicisti Ardian Vehbiu që i bashkohet idesë se protesta ka nevojë për artikulim politik.

Sot paradite ministri i Infrastrukturës, Damian Gjiknuri bëri një zgjim publik virtual. Ai hodhi ca radhë në Facebook duke iu adresuar vetëm PD-së që sipas tij bën politikë të pistë me Unazën e Re. Në fund pak moral: Socialistët e tipi Gjiknuri mendojnë për të ardhmen e vendit, ndërsa demokratët e Lulit prodhojnë baltë. Zotit Gjiknuri nuk i intereson shumë se çfarë thuhet lart e poshtë, ai as nuk kujdeset që të përmirësojë disi mënyrën sesi flet. Sesi argumenton.