Blloku Politikë

Pas drejtorit të Operatorit të Sistemit të Transmetimit Klodian Gradeci, i cili dha dorëheqjen, sot është shkarkuar drejtori i Autoritetit të Rrugëve, Afrim Qendro. Ministrja e re e Infrastrukturës, një njeri shumë i afërt i kryeministrit Edi Rama, ka marrë përsipër detyrën e pastrimit të rrënojave të Damian Gjiknurit sidomos me predhën e rëndë të mashtrimit të kompanisë DH Albania në prokurimin e Lotit i të Unazës së Madhe. E njëjta kompani kishte fituar tender edhe me OST-në duke krijuar dyshime të mëdha se ishte klient i preferuar nga Lart. 

Sot Presidenti i Republikës ka propozuar Bahri Shaqirin për pozicionin e kryetarit të Kontrollit të Lartë të Shtetit. Deputetët socialistë dhe mediat e pushtetit u lëshuan me paragjykimin se Shaqiri është njëri i afërt i Metës duke i hapur luftë personit që dikur me propozim të socialistëve u bë drejtor i Shërbimit Informativ. 

Intervista e fundit e ish-ministrit të Jashtëm Ditmir Bushati për Albanian Dalily News ka brenda disa mesazhe, në mos edhe lajme.

Prej disa ditësh e kemi parë Erion Veliajn t'u vijë rreth e rrotull konvvikteve të Qytetit Studenti, ku vetëm çizmet i mungojnë t'i futet llacit dhe tullave për t'i treguar shefit se është në krahun e tij në betejën e vështirë me studentët.

Një ditë më parë ishte nga zelltarët e debatit me pedagogët në prezantimin e Paktit për Universitetin, ndërsa këtë të shtunë ishte në një prezantim të projektit për Kampusin e Universitetit. Nga shefi i madh mori gjysmë konfirmimin që dëshironte për ri kandidimin në krye të Bashkisë së Tiranës.

Ish-kryeministri Sali Berisha ka bërë publik sot një qëndrim të vetin për dekretimin e Edi Ramës si ministër i Jashtëm i Shqipërisë. Përmes një statusi në Facebook, Berisha, që ka patur edhe funksionin e ish-presidentit të Republikës, e quan aktin e sotshëm një ditë të zezë për kushtetueshmërinë e Shqipërisë, por pa prekur në asnjë rresht këtu përgjegjësinë e Presidentit aktual, Ilir Meta.  

Kjo është një e premte e zezë në historinë e kushtetutshmërisë dhe triumf i grushtit të shtetit brenda shtetit dhe kjo sepse:

Presidenti i Republikës i ka dhënë fund dilemës për emërimin e kryeministrit Edi Rama në detyrën e ministrit të Jashtëm. Përmes një njoftimi për shtyp, presidenca bën sqarimin e mëposhtëm:

Presidentit të Republikës më datë 14 janar 2019, i është paraqitur propozimi i ri për emërimin e z. Edi Rama, Kryeministër edhe në funksionin e ministrit për Evropën dhe Punët e Jashtme.

Shumica në parlament noterizoi ndryshimet në qeveri, në një seancë që konfirmoi nivelin banal që i kanë imponuar rendit politik tri parti (PS-PD dhe LSI).

Deputetët e Lulzim Bashës dhe Monika Kryemadhit u paraqitën si mbrojtës të parlamentarizmit, duke nxitur një debat të stisur, nisur nga pretendimi se mazhoranca refuzoi një seancë me debat për ministrat e rinj.

Presidenti i Republikës i ka kthyer sot për rishqyrtim Kuvendit të Shqipërisë, dy projektligje shumë të rëndësishme: atë për noterinë dhe atë për kadastrën. Vërejtjet e arsyetuara të Presidentit përfaqësojnë oponencën e munguar në procesin ligjvënës dhe do të duhet që të merreshin parasysh. Tashmë është e qartë se Partia Demokratike ka lënë një vend bosh të cilin duhet ta mbushë sa më shpejt pasi mungesa në këto procese defaktorizon forcën politike në fjalë.

Sot ministri I Brendshëm, Sandër Lleshaj ka deklaruar në konferencën për shtyp se dorëzimi i Balilit u negociua dhe se në këmbim të këtij akti atij iu premtua një proces i ndershëm gjyqësor. Ndoshta ministri ka qenë më i sinqertë nga ç’duhet, por pyetja që lind këtu është: si mund të garantojë ekzekutivi një proces të ndershëm gjyqësor? Si mund ta bëjë një gjë të tillë qeveria, sidomos kur ajo është vetë protagoniste e akuzave për sistemin gjyqësor?

U kap, u vetëdorëzua, apo u dorëzua si pasojë e punës policore? Kjo pyetje shtrohet pas një sërë deklaratash që i janë mbivendosur njëra-tjetrës. Ministri i Brendshëm Lleshaj ka bërë një lapsus kur e ka cilësuar Klement Balilin si një person të kriminalizuar, ndërkohë që këtë e vendos gjykata. Nga ana tjetër ai ka deklaruar se dorëzimi ka ardhur si pasojë e një operacioni të kryer në bashkëpunim me partnerët ndërkombëtarë.