Blloku Bota

Presidenti serb Aleksandër Vuçiç ndodhe tnë një vizitë në SHBA ku pritet të takohet me numrin dy të Shtëpisë së Bardhë, Mike Pence. Vizitës po i kushtohet rëndësi, pasi Serbia përfaqëson një nyje të rëndësishme në Ballkan, madje sipas gazetës ruse “Kommersant”, “ajo shihet si shteti kyç në rajon”. Nga kjo qasje që Perëndimi po mban prej kohësh, rëndësia se çfarë vendimi do të marrë Beogradi për politikën e Jashtme rritet.

Agjencia “Reuters” raporton sot se kreu i Shtetit Islamik, Abu Bakr al - Baghdadi ka shumë gjasa të jetë gjallë. Agjencia citon një zyrtar të lartë kurd të kundërterrorizmit sipas të cilit ka të dhëna se al-Baghdadi është gjallë dhe ai ndodhet në jug të qytetit sirian të Raqqas.

“Baghdadi është përfundimisht gjallë. Ai nuk ka vdekur. Kemi informacione se është gjallë. Ne besojmë 99% se ai është gjallë”, citon “Reuters” zyrtarin kurd Lahur Talabany.

Një anketë mbi punesimin e të rinjve në Greqi arriti në përfundime interesante sa i takon situatës së tyre ekonomike dhe perspektivës për të ardhmen.  Kështu gjysma e të rinjve grekë të moshës 18-35 vjeç thonë se mbështeten financiarisht nga prindërit ose të afërmit e tjerë. Janë 48% e të rinjve që pranojnë se kanë si burim financiar të ardhurash prindërit apo të afërmit. 

Europol ka njoftuar arrestimin e 66 personave me dyshimin e tregtisë së mishit të kalit, të papërshtatshmëm për konsum njerëzor. Gjatë operacionit u sekuestruan llogari bankare, pasuri të paluajtshme dhe makina luksoze.Policia spanjolle ka nisur hetimet për një rrjet që kryente therje të kuajve në Spanjë dhe Portugali. Kuajt që thereshin ishin shumë të moshuar ose tërësisht të papërshtatshëm për konsum njerëzor. Përmes dokumentave të falsifikuara ky rrjet e eksportonte mishin në Belgjikë - një nga eksportuesit më të madh të mishit të kalit në Bashkimin Evropian.

Alexis Papachelas shkruan sot një opinion në gazetën që drejton “Kathimerini” që titullohet: Të ngatërrosh vulgaritetin me radikalizmin.

Duke marrë shkas nga një konferencë biznesi në të cilën disa politikanë kishin nisur zakonin e akuzave reciproke, Papachelas tërheq vëmendjen në një situatë ligjërimore për të cilën ka përgjegjësi të madhe politika.

Kështu citohet të jetë shprehur presidenti francez, Emmanuel Macron, pas bisedimeve me presidentin amerikan Donald Trump. Macron madje, ka shtuar se “Franca e ka ndryshuar doktrinën e vet për Sirinë”, duke shtuar se tani synimi është asgjësimi i grupeve terrosite kudo që ndodhen. Në fakt këtë thotë edhe Donald Trump, duke sugjeruar kështu se Assad, presdidenti sirian nuk shqetëson më kënd në Perëndim.

Kancelarja gjermane Angela Merkel tha sot se vendimi i Britanisë për t'u tërhequr nga BE-së dhe zgjedhja e Emmanuel Makron në Presidencën franceze kanë ndryshuar qëndrimin e saj për BE-në dhe përpjekjet për një Europë më të fortë.

Një vit pas grushtit të dështuar shtetit , Erdogan duket të jetë në kulmin e pushtetit të tij.Për të festuar përvjetorin e kësaj ngjarje Erdogan kërkoi arrestimin e 105 personave që punojnë në sektorin e IT dhe që dyshohet se kanë të bëjnë me përpjekjen e korrikut të kaluar. Mbrëmjen e 15 korrikut, 2016, banorët e të dy qytetetve më të mëdha të Turqisë  u zgjuan nga tingujt e avionëve luftarakë që flutoronin mbi shtëpitë e tyre.  Një grup ushtarëkësh të cilët e quanin veten "Këshilli i Paqes në vend" deklaruan se morën pushtetin  dhe se dëshironin të rivendosnin demokracinë.

Miliona ton ushqim në Evropë në vend që të konsumohet, përfundon çdo vit në mbeturina në një kohë kur 12% e popullsisë së botës përjeton urinë. Ky shpërdorim në terma ekonomike, vetëm sa i përket BE-së i kalon 140 miliardë eurot. Po aq të larta janë edhe kostot e ndotjes së mjedisit. Eurodeputeti grek i Syrizas, Kostas Chrysogonos i kërkoi Komisionit Europian të ndërmarrë iniciativa në kuadër të Bashkimit Evropian për të shmangur hedhjen e ushqimit në plehra dhe rishpërndarjen  për njerëzit që kanë nevojë.

Greqia, Serbia dhe Bullgaria kanë hedhur një tjetër hap në bashkpëunimin mes tyre. Ndonëse nismat për Ballkanin janë tashmë si ngjyrat e ylberit, përfaqësuesit e tre vendeve në fjalë, kryeministri grek, Alexis Tsipras, presidenti serb, Aleksander Vuçiç dhe kryeministri bullgar Boyko Borisov janë takuar në Selanik për t’i dhënë rrugë një koordinimi tripalësh që siç tha presidenti serb përfshin sfidat e jashtme dhe të brendshme.