Blloku Bota

Ish-kampioni i botës dhe i Europës në peshëngritje, Andrey Drachev, është vrarë në një dyluftim trup me trup nga një 25 vjeçar kaukazian. Personi i dyshuar quhet Anar Ziranov dhe në videon e publikuar duket se është i aftësuar në artet marciale. Sipas raportimeve ngjarja ka ndodhur në Khabarovsk dhe grupi i të rinjve e kanë provokuar atletin që ka ofruar ndeshje përballë. Po kështu thuhet se ai është që lluar nga disa njerëz dhe se video paraqet vetëm fundin e përplasjes që ka rezultuar fatale për atletin. 

127 domeine përmes të cilave transmetohen materiale filmike në internet, do të bllokohen. Pala paditëse, Foxtel, një operator legal në këtë sektor, ka fituar gjyqin federal me ISP-të australiane që mundësojnë transmetimin online të materialeve në mënyrë pirate.

Presidenti maqedonas George Ivanov ka paralajmëruar për një rol të ri të ushtrisë së Maqedonisë në kundër atij që ai e quajti terrorizëm urban në qytete me dallime etnike.

Beteja e vërtetë e Kosovës me Serbinë do të jetë demarkacioni. Tani që Beogradi zyratr ka hapur të ashtuquajturin dialog të brendshëm, njohja formale e shtetit të Kosovës është vetëm çështje kohe dhe negociate për territorin. Ivica Daçiç, ministër i Jashtëm i Serbisë ka deklaruar se lështrimet territoriale reciproke janë një rrugë, por edhe nëse ideja e tij nuk do të pranohet ndarja e kufirit paraqet probleme teknike jo të vogla.

Miliarderi  amerikan, Karl Aikan njoftoi largimin si konsulent i Donald Tramp për çështjet e liberalizimit të ekonomisë. Nuk dihet nëse ky vendim ka lidhje me deklaratat e presidentit amerikan për dhunën në Charlottesville. Aikan, 81 vjeç dhe një ndër agjentët më të njohur të Wall Street. Ai u emërua në dhjetor si 'këshilltar special' i Tramp me mision kryesor "lehtësimin"  e vendit nga "rregullat e shkatërruese” që pengojnë zhvillimin ekonomik" të SHBA-ve.

Presidenca estoneze e BE-së ka iniciuar një konferencë për denoncimin e krimeve të komunizmit. Mirëpo kundërshtimi nuk ka munguar edhe nga brenda BE-së. Greqia, përmes ministrit të saj të Drejtësisë, Stavros Kontonis, ka deklaruar se “nazizmi dhe komunizmi nuk janë të njëjtat pjesë të të njëjtit ekuacion”. 

Presidenti turk Recep Tayyip Erdogan u ka bërë thirrje turqve në Gjermani që të mos votojnë për Merkelin, apo edhe rivalin e saj, Schultz.

“Tani në Gjermani socialdemokratët dhe kristiandemokratët po thonë: Mund të marrim vota nëse baltosim Turqinë. Po u them qytetarëve të mi në Gjermani që të mos i mbështesin asnjëherë këto parti. Mos mbështesni CDU-në, SPD-në apo të gjelbrit. Ata janë të gjithë armiq të Turqisë”, citon gazeta “Hyrriyet”, kreun e shtetit turk.

Presidenti serb Aleksander Vuçiç ka hedhur poshtë si të paarsyeshëm aplikimin e modelit qipriot për Kosovën. Duke folur nga qyteti i Vladicin Han, Vuçiç tha se modeli qipriot do të thotë konflikt i ngrirë edhe për 100 vjet.

“Njerëzit tanë kanë qejf ta dëgjojnë modelin qipriot, atë izraelito – jordanez dhe të Shën Pjetrit. Pa përmendur modelin e dy Gjermanive...Qipro...dhe ne do të kemi këtë gjendje për 200 vjet të tjera. Problemi nuk do të zgjidhet sepse është një betejë për territor”.

Revista "The Economist" ka kritikuar ashpër presidentin amerikan Donald Trump duke e akuzuar se "nuk ka asnjë ide se çfarë do të thotë të jesh president i SHBA". Autori i tekstit shkruan se deklarata e fundit ku Trump synoi të ishte i baraslarguar duke fajësuar të dyja krahët për episodet në Virginia nuk la asnjë dyshim se cila palë është më afër zemrës së tij.

Nuk është vetëm Shqipëria pikë ku kontrollet kufitare për shmangien e azilkërkimit po koordinohen me polici të vendeve të BE-së. Së fundmi nuk ka kaluar pa vëmendje lajmi se Austria ka vendosur 70 trupa ushtarake në kufi me Italinë për të mos lejuar kalimin e refugjatëve. Italia është pikë hyrjeje dhe për vite të tëra nuk ka gjetur dot politikë më të mirë për menaxhimin e situatës sesa lejmin e kalimit të refugjatëve drejt vendeve destinacion, si Gjermania dhe Franca.