Blloku Bota

Presidenti serb Aleksandër Vuçiç ka deklaruar se e ardhmja e Serbisë varet deri diku edhe nga ecuria e dialogut të brendshëm për Kosovën. 
"Ne do të vazhdojmë me bisedat mes nesh, do të ketë diskutime me shoqërinë civile, autositetet qeveritare, kishat, parlamentin, komitetet parlamentare…Kudo ku mund të diskutojmë. Kjo është një çështje e të gjithëve ne, në një pjesë të mirë, e ardhmja jonë varet nga kjo”, tha ai raporton agjencia “B92”. 

Sebastian Gorka, këshilltari i Shtëpisë së Bardhë, i cili mendohet se i përkiste fraksionit të udhëhequr nga nacionalistët dhe punonte si konsulent i ish-shefit të larguar të fushatës së Trump, Steve Bannon nuk është më në sfafin e Donald Trump. "Sebastian Gorka nuk dha dorëheqjen, por unë mund të konfirmoj se ai nuk punon më për Shtëpinë e Bardhë”-tha një zyrtar i qeverisë amerikane.

Mendimet se Gjermania duhet të marrë një rol të ri global sa vijnë dhe shtohen. Kujtimet e Luftës së Dytë Botërore po hidhen pas duke i besuar sjelljes së këtij vendi sidomos pas bashkimit në vitet ’90. Anne Applebaum shkruante dje një ese në revistën “Der Spiegel” ku hedh idenë se Berlini duhet ta pranojë atë që duket sikur historia po ja shtron sërish si kërkesë.

BBC-ja raporton sot për një marifet të iranianëve që jetojnë në Hollandë i cili rezulton i dobishëm për të përfituar azilin në këtë vend: konvertimin në kristianizëm.

Reagime të shumta kanë ngjallur deklaratat e kryetaritë të djathtë të Bashkisë së Venecias, i cili tha se në qoftë se dikush do të dëgjohet duke thirrur "Allahu Ekber" në sheshin San Marco do të qëllohet me armë. Duke folur në një konferencë në Rimini, Luigi Brugnaro tha se Venecia është qytet më i sigurtë se Barcelona ​​ku ndodhi sulmi më vdekjeprurës.

Shtetet e Bashkuara të Amerikës janë duke konsideruar furnizimin me armë vdekjeprurëse për Ukrainën. Kjo u bë e ditur nga sekretari amerikan i Mbrojtjes, James Matis gjatë një vizite në Kiev. Uashingtoni ka rënë dakord edhe për armatimin e Ukrainës me pajisje shtesë në vlerën e  175 milionë dollarëve.

“Sapo miratuam dy javët e fundit, pajisje me vlerë 175.000.000 $, duke përfshirë një pajisje të specializuara që mund të përdoret për të mbrojtur vendin, duke arritur një total prej gati  750 milion $ në vitet e fundit”- tha Matis.

Turqia po konsideron aksione ushtarake dhe madje luftë nëse kurdët do të vijojnë me referendumin e pavarësisë më 25 shtator. Kreu i partisë turke Lëvizja Nacionaliste, Devlet Bahçeli, ka deklaruar se ky është një opsion që nuk përjashtohet.

“Ne duhet të disaprovojmë përgatitjet për referendum përfshirë qytetet turkmene. Duhet të bëhet e qartë se ku referendum potencial është testi për Kurdistanin. Ky referendum është tërësisht kundër Turqisë dhe turkmenëve. Duhet të konsiderohet si shkak për luftë nëse është e nevojshme”, tha ai.

Kreu i socialdemoratëve gjermanë dhe kandidat për kancelar në zgjedhje, Martin Schulz ka bërë thirrje që SHBA të heqin armët bërthamore nga territori i Gjermanisë. Kjo sipas tij do të ndodhë nëse ai fiton zgjedhjet përballë kancelares aktuale Angela Merkel.

Si kancelar do të angazhohem që të heq armët bërthamore të stacionuara në vendin tonë

tha ai në një takim elektoral në Trier.

Marrëdhënia e mediave krysore amerikane me administratën e Trump ka kaluar në armiqësi të hapur duke denatyralizuar rolin e të dyja palëve. Ndonëse Donald Trump po bind shumicën e njerëzve se ai krijon probleme jo të vogla me sjelljen në drejtimin e ekzekutivit në ShBA, sulmet ndaj tij janë të këtilla që lënë në hije reagimet verbalisht iracionale të tij. 
Një i tillë është edhe një shkrim në “The Washington Post” me autor Philip Rucker dhe Robert Costa, i pari reporter me përvojë në mbulimin e zhvillimeve politike në Kongres dhe Shtëpinë e Bardhë. 

"Kufoma pa kokë e gjetur në bregdetin e Kopenhagenit është identifikuar dhe i takon gazetares së zhdukur suedeze, Kim Val. Kemi të bëjmë me një trup pa kokë, duart, këmbët dhe koka janë qenë prerë qëllimisht," tha zëdhënësi i policisë, Jens Moller.