Blloku Bota

Zgjedhjet në Gjermani kanë një kryelajm: Partia e ekstremit të djathtë, Alternativa për Gjermaninë ka hyrë në Parlament si parti e tretë me një diferencë më pak se 8% nga socialdemokratët. Analogjia me nazistët dhe rrugën e tyre parlamentare drejt pushtetit nuk mungon. Edhe mesazhet politike janë të ngashme.

Ministri i Jashtëm gjerman, Sigmar Gabriel dhe shumë të tjerë i karakterizojnë  si neo-nazistë, ndonëse zyrtarisht i përmendin si përfaqësues të ekstremit të djathtë.  Bëhet fjalë për nacionalistët e AFD (Alternativa për Gjermaninë) që  kanë thyer tabunë dhe do të përfaqësohen në parlamentin gjerman për herë të parë që nga Lufta e Dytë Botërore.

Gjermanët i besojnë një mandat të katërt kancelares Angela Merkel. Eksit Pollet nxjerrin fituese partinë e saj, ndërsa pas më shumë se 50 vjetësh në parlament futet partia e ekstremit të djathtë AFD. Sipas rezultateve paraprake kristian-demokratët  e Angela Merkel kryesojnë  me një përqindje prej 32.5% ose 9% më pak se zgjedhjet e kaluara.  Social Demokratët e Martin Schulz renditen të dytët me 20%, ndërsa partia e ekstremit të djashtë AFD hyn në parlament pas më shumë se 50 vjetësh duke mbledhur 13.5% të votave.

Furtunë politike kanë shkaktuar në Greqi, disa foto të ministrit grek të Mbrojtjes, Panos Kammenos në një prej kazinotë e Londrës kohët e fundit.Të gjitha partitë e opozitës kërkojnë sqarime me tone të larta ministrit dhe madje nënkryetari i Demokracisë së re, Adonis Georgiadis Demokracia e Re flet për  përgjegjësi penale të z. Kammenou.

Konfikti pritet të kulmojë të hënën në mëngjes në parlament, ku  pritet të fillojë puënën komisioni hetimor ndaj ministrit të Mbrojtjes për një bisedën të tij me një të dënuar për drogë.

Kryetari i Bashkisë së Amarice në Itali, Sergio Pirozzi deklaron se në qytetin që ai drejton nuk ka mbërritur asnjë euro e vetme nga 33 milionë që u mblodhën pas tërmetit të 24 gushtit 2016. Paratë u mblodhën nga italianët që u solidarizuan me qytetin e shkatërruar dhe banorët që mbetën pa shtëpi. 2 euro secili për të ndihmuar banorët e Amatrice, Açumoli, Arquata apo Pescara del Tronto, ndërkohë që në një stil menaxhimi tipik italian, paratë u çuan për të ndërtuar një rrugë çiklistike në zonën e Marche.

Mediat serbe njoftuan së fundmi se presidenti amerikan Donald Trump mund të vizitojë Serbinë. Kreu i shtetit serb, Aleksandër Vuçiç, u tha mediave se Trump e kishte pranuar ftesën e bërë dhe me gjasë një vizitë do të kryhet. Të njëjtat lajme kanë përcjellë edhe media të ndryshme greke, sipas të cilave zv.presidenti Mike Pence ka përcjellë për zyrtarët grekë premtimin se Trump do të vizitojë edhe Greqinë.

Fakti që Gjermania është ekonomia më e fortë e Bashkimit Evropian,  e bën lehtë të kuptueshme pse komuniteti ndërkombëtar është shumë i interesuar për zgjedhjet në Gjermani.Muajt e fundit, u shkruajt shumë për kandidatët, profilet e tyre dhe agjendën e tyre. Por jo për votuesit, mendimet e të cilëve, dëshirat, frustrimet, apo pretendimet pasqyrohen vetëm në sondazhet e zgjedhjeve.  Gjetjet e një studimi të Institutit Rheingold janë  jashtëzakonisht demaskuese për psikologjinë e zgjedhësit gjerman.  Mund të përkufizojmë si një "babush" ... i dimensioneve mesianike

“Marrëdhëniet mes ShBA-së dhe Turqisë janë më të afërta se kurrë…Presidenti Erdogan është tashmë një mik i imi”.

Kështu citohet të jetë shprehur presidenti amerikan, Donald Trump, pas një takimi me homologun turk, Recep Tayyip Erdogan, në kuadër të punimeve të Asamblesë së Përgjithshme të Organizatës së Kombeve të Bashkuara në New York. 

Sipas Trump, Erdogan duhet vlerësuar sepse është në drejtim të një vendi që ndodhet në një zonë shumë të vështirë të botës. 

Një çështje që konsiderohej e tejkaluar, ajo e ujërave territoriale është kthyer në një episod të nxehtë diplomatik mes Sllovenisë dhe Kroacisë. Kryeministri slloven Miro Çerar anulloi një vizitë të planifikuar në Kroaci, duke akuzuar fqinjin e tij për provokim dhe rikthimi të gjuhës së konfliktit. 
Homologu i tij kroat, Andrei Plekoviç, vuri në dukje në Asamblenë e Përgjithshme të Kombeve të Bashkuara se marrëveshja ndërkombëtare e arritur për këtë çështje nuk është e vlefshme.

Teksa  manovrat e vazhdueshme të ushtrisë turke në kufirin me Irakun nxjerrin në pah shqetësimin e Ankarasë për referendumin që autoritetet e Kurdistanit kanë njoftuar për të hënën e ardhshme, Erdogan ka kërcënuar kurdët e Irakut me sanksione ekonomike.

Duke folur në Asamblenë e Përgjithshme të OKB-së, presidenti turk i bëri thirrje qeverisë lokale të Masud Barzanit të anulojë referendumin, duke argumentuar se referendumi do të hapë një cikël të ri të konflikti dhe jostabiliteti në Lindjen e Mesme.m"Mos filloni një proces që do t'ju privojë edhe nga ato që keni"-deklaroi Erdogan.