Blloku Bota

Presidenti serb, Aleksander Vuçiç, ka deklaruar në një intervistë televizive se së shpejti do të njoftohet tërheqja e njohjes së Kosovës nga një vend tjetër. Ai ka shpjeguar se njoftimi do të bëhet më 23 ose 24 shkurt, meqenëse Serbia, siç tha ai, ka një marrëveshje për të mos e zbuluar emrin e vendit para kësaj date.

Autoritetet turke kanë proceduar deri më tani 245 persona të dyshuar se kanë shkelur kodet teknike në ndërtimin e objekteve të shkatërruara nga tërmeti i 6 shkurtit. Ministri i Brendshëm Bekir Bozdag ka njoftuar se janë arrestuar 65 persona pas hetimeve të nisura nga Prokuroria e Kahramanmarasit.

Në Stamboll janë arrestuar pesë kontraktorë; Haydar Kurtar, Mesut Başkır, Hüseyin Aydın, Alâeddin Taze, Ahmet Kara dhe Özcan Çakmak.

Zv. Presidentja e SHBA, Kamala Harris ka deklaruar në Konferencën e Munihut se Rusia është përgjegjëse për krime kundër njerëzimit në Ukrainë. Ajo ka folur për “sulme të gjera dhe sistematike” kundër popullsisë civile, ekzekutime, tortura, përdhunime dhe deportime me forcë.

Veprimet e tyre janë një sulm kundër vlerave të përbashkëta, një sulm mbi humanitetin tonë të përbashkët

Mikhail Khodorkovsky, ish-oligarku rus i “Yukos”, mandej i burgosur dhe shpallur në Perëndim si një lloj disidenti, ka publikuar sot një shkrim në “Politico” ku elaboron disa pikëpamje mbi të ardhmen e Rusisë pas luftës në Ukrainë.

Polonia është e vendosur të ndihmojë Ukrainën në luftën kundër Rusisë, si pjesë e një vizioni që lidhet edhe me historinë e rajonit.

Nëse nuk ndihmojmë Ukrainën tani, do të ketë objektiva të rinj për Putinin. Një politikan rus tha së fundmi se Rusia duhet të denazifikojë edhe gjashtë vende të tjera pas Ukrainës, përfshirë Polonisë

është shprehur zv.ministër i Jashtëm i Polonisë.

Tërmeti në Turqi është shfrytëzuar për të përcjellë mesazhe diplomatike që përndryshe do të kalonin si rutinë. Ministri i Jashtëm i Armenisë, Ararat Mirzoyan, i ka deklaruar homologut të tij turk, Mevlut Cavusoglu se Armenia është e gatshme dhe e interesuar për vendosjen e marrëdhënieve normale mes të dyja vendeve.

Do të doja t’ju siguroja se ne duam të rivendosim paqen në rajon dhe të sjellim në normalitet marrëdhëniet me Turqinë për një përmbushje të marrëdhënieve diplomatike me të

Ligjvënësit francezë kanë miratuar një ligj që detyron platformat e mediave sociale si Instagram, TikTok dhe Snap që të bllokojnë aksesin në to të minorenëve nën 15 vjeç nëse nuk kanë të paktën autorizim nga prindërit.

Kremlini ka paralajmëruar dje për atë që e quajti “ngjarja e madhe” lidhur me konfliktin në Ukrainë e që sipas Komandës së Përbashkët ruse për Përgjigjen Humanitare do të ndodhë para sesionit të 11-të të Veçantë të Asamblesë së Përgjithshme të Organizatës së Kombeve të Bashkuara. 

Bashkimi Europian do të ndihmojë me 165 milionë euro Serbinë në sektorin e energjisë, një marrëveshje e cila është shfytëzuar nga presidenti serb, Vuçiç për të përcjellë mesazhe politike.

Dua që populli të dijë se Serbia është shumë e varuru nga BE-ja dhe se Serbia vështirë se mund të ecë para pa BE-në, në mos fare. Ata që prezantojnë mundësinë e alternativave të tjera më të mirë dhe të sigurta nuk thonë të vërtetën

Tenderat duket se janë problematikë kudo. Në Spanjë raportohet se janë shpenzuar 258 milionë euro për trena më të mëdhenj se tunelet në vend. rasti është ekspozuar nga “El Comercio” dhe deri më tani janë shkarkuar dy drejtues të transportit.