Blloku Bota

I Dërguari Special i BE-së për dialogun Beograd-Prishtinë, Miroslav Lajçak, deklaroi në një intervistë për agjencinë serbe të lajmeve, Tanjug, se shpreson që plani i BE-së për zgjidhjen e çështjes së Kosovës, të pranohet të hënën më datë 27 shkurt.

Mendoj se plani do të pranohet të hënën dhe ai do të jetë detyrues për të dyja palët. Nuk është një marrëveshje e përkohshme dhe procesi i normalizimit të marrëdhënieve, që duhet të përfundohet me firmosjen e një marrëveshjeje përfshirëse përpara anëtarësimit të të dyja vendeve në BE, do të vazhdojë më pas

Gazeta amerikane “New York Times” shkruan se Pentagoni po mendon të furnizojë Ukrainën me armatim dhe municion duke përdorur ndërmjetës. Dhe me ndërmjetës nënkuptohen shtete si Rumania, Bullgaria, Bosnje-Hercegovina, apo edhe Serbia. Mediat serbe e kanë tërhequr lajmin në fjalë si shenjë të një politike që do ta angazhojë de facto vendin në luftë, përderisa e rreshtojnë atë në listën e rajoneve logjistike për ushtrinë ukrainase.

Nën-sekretarja e Departamentit të Shtetit, Victoria Nuland, ka deklaruar në një intervistë për “The Washington Post” se SHBA dëshiron të rifillojë inspektimet e përbashkëta me Rusinë për kontrollin e armëve strategjike.

Ne do të donim të riktheheshim me inspektimet e përbashëkta. Do të donim të riktheheshim në një vend ku mund të ulemi në një tryezë dhe të flasim për zbatimin e traktatit

citohet ajo edhe nga agjencia ruse e lajmeve “Tass".

Franca po humbet ndikimin në Afrikë dhe më e papritura këtë proces po e përcakton deri diku ambicia e Rusisë për të fituar terren në kontinent. Pas largimit të detyruar nga Mali, trupat franceze, të stacionuara me synime kundër përhapjes së terrorizmit në Sahel, po largohen edhe nga Burkina Faso, për t’u zëvendësuar nga rusët e grupimit efektiv “Wagner”.

Është një test i vërtetë për Francën. Nëse nuk do të shohë një valë të tillë në Afrikë duhet të ndryshojë qasjen

Lideri kryesor opozitar turk, Kemal Kılıçdaroğlu, ka deklaruar se do të bllokojë shitjen e pronave nga të huajt për pesë vjet nga ardhja eventuale e tij në pushtet.

Kur të vijmë në pushtet do të ndalojmë shitjen e pronave te të huajt për pesë vjet dhe nuk do ta heqim bllokimin derisa çmimi të bjerë

citohet politikani turk.

Media të ndryshme kanë vënë në dukje një akt të presidentit rus, Vladimir Putin, që ka të bëjë edhe me integritetin territorial të Moldavisë. Raportohet se kreu i Kremlinit ka revokuar një dekret të vitit 2012 që konsideron sovrantitetin e Moldavisë në zgjiedhjen e ardhshme për rajonin e Transnistrisë. Presidenca ruse bën me dije revokimi është bërë në optikën e:

Një grup mediash europiane kanë publikuar një dokument prej 17 faqesh që është qarkulluar si pjesë e një strategjie të Federatës Ruse për të akaparuar Bjellorusinë deri në vitin 2030. Sipas dokumentit në fjalë, Bjellorusia do të ketë një monedhë, një sistem taksash, hapësira mediatike duhet të jetë nën kontrollin rus dhe vendi duhet të përshtatet me rregulloret ruse. Të gjitha prodhimet ushtarake do të transferohen nga Bjellorusia në Rusi.

Kyiv Indipendent nuk e publikon dokumentin për të mos lejuar gjurmimin e burimit

Presidenti i Rusisë, Vladimir Putin, ka njoftuar se Kremlini ka vendosur të pezullojë pjesëmarrjen në një traktat të ri për reduktimin e armëve strategjike me SHBA-të, por nuk do të tërhiqet prej tij. Ai e ka bërë deklaratën gjatë një fjalimi në Asamblenë Federale ruse ku ka vënë theksin te kuptimi termit të përdorur.

Duhet të them sot se Rusia po ndërpret pjesëmarrjen e vet në një Traktat të Ri STRAT – Strategic Arms Reduction Treaty. E përsëris: jo tërhiqemi, por vetëm ndërpresim pjesëmarrjen në të

Ambasadori rus në Beograd, Alexander Botsan-Kharchenko, është shprehur në një intervistë për të përditshmen ruse “Vedomosti” se Perëndimi po e kërcënon Serbinë me sanksione dytësore në kontekstin e negociatave të vështira me Prishtinën. 

Revista gjermane “Spiegel” raporton së fundmi se nuk është vetëm Rusia që fut hundët në zgjedhejt e vendeve të ndryshme. As i vetmi aktor malinj.