Blloku Bota

Në nisje të samitit të G20 në Indi, dy ministrat e jashtëm të SHBA-ve dhe Rusisë, janë takuar për herë të parë që nga nisja e luftës në Ukrainë. Agjencia “Reuters” raporton se Blinken i ka kërkuar Lavrov të ndalojë luftën dhe të prapësojë vendimin për anullimin e traktatit të ri START për armët strategjike. Takimi ka qenë në fakt spontan, 10 minuta bisedë në këmbë, pra jo në format delegacioni.

Ish-kryeministri i Italisë, Giuseppe Conte është vendosur aktualisht nën hetim për vonesa në reagimin ndaj pandemisë së CoVid-19 duke sjellë për pasojë 4000 vdekje që mund të ishin shmangur. Pas tre vjetësh hetime, prokurorët e Bergamos e kanë akuzuar Conten dhe 16 zyrtarë të lartë të qeverisë së tij, përfshirë ish-ministrin e Shëndetësisë, Roberto Speranza për refuzim të këshillave të shëbndetit publik për imponimin e kufizimeve në zonën e prekur nga CoVid-19.

Ka disa zëra sot që po i kujtojnë kryeministrit të Kosovës, Albin Kurti se ka lëvizur prej pozicioneve të veta parimore me marrëveshjen e propozuar sipas draftit franko-gjerman.

Kërkohet që përmes të ashtuquajturit cedim të Kurtit të “rehabilitohet” Edi Rama, Baton Haxhiu, që shpallen këtu vizionarë të parakoshëm. Vjen kjo lloj lufte vebale paralel me një gjest fisnikërie të kryeministrit Rama që u shpreh se Kurti bëri gjënë e duhur dhe se askush nuk duhet ta akuzojë për tradhëtar.

Në disa media është publikuar sot drafti i planit franko-gjerman, i cili siç ishte paralajmëruar nga i Dërguari Special për Dialogun Prishtinë-Beograd, Miroslav Lajçak, do të zbardhej kur palët të binin dakord. 

Dhe në fakt duket se palët kanë rënë dakord, ndonëse ende nuk ka një firmë. Në pikën e fundit parashikohet një udhërrëfyes, që sipas presidentit serb, Vuçiç, nis patjetër me Asosacionin e Komunave Serbe. 

Në dallim nga ShBA dhe BE, presidenti ukrainas, Volodymyr Zelenskiy, ka konsideruar publikisht propozimin kinez për një paqe me Rusinë. Duke folur në një konferencë për shtyp në Kiev, Zelenskiy u shpreh se ai është i gatshëm të pranojë disa prej 12 pikave të propozimit kinez dhe të takojë presidentin Xi Jinping për të diskutuar më shumë mbi dokumentin. 

Mesa di, Kina respekton integritetin historik. Besoj se fakti që Kina ka nisur të flasë rreth Ukrainës nuk është keq. Por çështja është se çfarë pason fjalët. Është në hapat dhe se ku ato do të çojnë

Ministri rus i Mbrojtjes, Sergey Shoigu ka deklaruar se Rusia do të shtyjë kërcënimin ndaj kufijve të saj në raport me rrezen goditëse të armëve që i furnizohen Ukrainës.

Do të varet nga armët që marrin

citohet Shoigu në një intervistë për “Rossiya-1”.

Deklarimi i tij pason ato të presidentit Vladimir Putin, që në një fjalë drejtuar vendit u shpreh se Federata Ruse do të jetë e detyruar të shtyjë kufijtë më tej nëse Ukraina furnizohet me armë me rreze të gjatë veprimi.

Ish-sekretari i Përgjithshëm I NATO-s, Anders Fogh Rasmussen, ka autorizuar sot një opinion në “Politico” përmes të cilit sugjeron se paqja në Ukrainë duhet të mos jetë një cedim ndaj Rusisë për një lloj armëpushimi që ngrin krizën në kohë. Sipas tij për Ukrainën Perëndimi dueht të sigurojë një paqe të garantuar ndërkombëtarisht që do të frenonte përfundimisht apo kufizonte sjelljen e Rusisë e cila ëhstë aktualisht jashtë sistemit ndërkombëtar siç shihet ai në Perëndim.

Lufta në Ukrainë po sjell implikme të mëdha dhe serioze për shumë prej atyre që mund të quhen “klishe” në marrëdhëniet ndërkombëtare. Kështu zëdhënësja e Ministrisë së Jashtme ruse, Maria Zakharova, ka deklaruar se Zvicra, që së fundmi i është bashkuar sanksioneve kundër Federatës Ruse, nuk mund të pretendojë më se është një vend neutral. 

Tërmeti i 6 shkurtit në Turqi dhe tërmetet që pasuan kanë sjellë migrimin e 1 milionë njerëzve, një pasojë kjo domethënëse për të kuptuar atë që ka ndodhur.

Në të njëjtën kohë 18 mijë sirianë janë rikthyer në vendin e tyre, i goditur edhe ai nga tërmeti, por jo me ato pasopja dhe atë magnitudë si Turqia.

Mediat turke flasin për evakumin e 474 520 njerëzve, 105 683 që kanë lëvizur me mjetet e tyre dhe pjesa tjetër, diku te 300 mijë, që janë larguar pa u regjistruar.