Putin, Papa Francesco, Lady Gaga, personat më me ndikim në 2015

Sipas një sondazhi të bërë nga revista amerikane “Time”, personi më me ndikim për vitin 2015 është presidenti rus, Vladimir Putin, i pasuar nga pop star-i Lady Gaga, e cila është klasifikuar e treta në këtë sondazh. Lista e plotë e 100 personaliteteve më me ndikim në planet do të botohet në 16 prillin e ardhshëm.

Ndërkohë nga shtypi rus kanë filluar dhe thashethemet e para mbi mënyrën e votimit të presidentit të tyre. 57% e të intervistuarve janë amerikane, 5.56 kanadezë dhe britanikë janë 4.55%. Pas Putin vijnë Papa Francesco, Lady Gaga, presidenti Obama, Dalai Lama, etj, ndërsa liderët e tjerë botërorë, si Angela Merkel, lideri kinez Xi Jinping, presidenti sirian Bashar Assad kanë mbetur jashtë 20 të parëve.

Ish-sekretarja amerikane e shtetit, Hillary Clinton, e cila të dielën deklaroi kandidaturën e saj për Shtëpinë e Bardhë, ka marrë vetëm 0.8% të votave dhe presidenti ukrainas Petro Poroshenko 0.7%.