Merkel, propozim për referendum mbi euron në Greqi
Trazirë dhe stuhi politike ka shkaktuar ajo që është thënë gjatë bisedës telefonike mes presidentit Papulias dhe kancelares gjermane Angela Merkel, ku siç u njoftua zyrtarisht, kjo e fundit ka propozuar zhvillimin e një referendumi, krahas zgjedhjeve, me pyetjen "nëse grekët duan të qëndrojnë ose jo në eurozonë".
Sipas kryeministrisë në Athinë, në telefonatën Papulias-Merkel dje në mesditë, është folur për zhvillimin e një referendumi. Pas bisedës telefonike, presidenti Papulias informoi kryeministrin Pikramenos, i cili nga ana e tij informoi udhëheqësit politike.
Në njoftimin zyrtar të Zyrës së Kryeministrit thuhet se, "kancelarja gjermane në kontaktin që pati me Presidentin e Republikës të premten në mesditë dha mendimin për një referendum krahas zgjedhjeve, ku të ngrihet çështja nëse grekët duan të qëndrojnë në eurozonë".
Kur çështja u publikua zyrtarisht nga zyra e kryeministrit dhe partitë greke e dënuan referendumin, zyra e kancelares e hodhi poshtë mbëmë një deklaratë të tillë.
Zëdhënësi i qeverisë gjermane e mohoi lajmin se Angela Merkel ka propozuar një referendum për qëndrim të Greqisë ose jo euro. "Këto raporte janë të pasakta", tha zëdhënësi për agjencinë e lajmeve gjermane.
Sidoqoftë, e keqkuptuar apo jo deklarata e kancelares gjermane Merkel, procesi i zgjedhjeve të 17 qershorit është vendimtar për të ardhmen e vendit.
Reagimet e partive
Kryetari i Grupit SYRIZA Alexis Tsipras:
"Zonja Merkel e trajton udhëheqjen politike të Greqisë si atë të një vendi në një protektorat dhe këtë të drejtë ia kanë dhënë z Venizelos dhe z Samaras me qëndrimin dhe letrat e tyre. Në zgjedhjet e 17 qershorit, grekët do të japin një përgjigje definitive për t’i dhënë fund memorandumit të kursimit, të nënshtrimit dhe fyerjes dhe do të hapin rrugën për zhvillimet progresive".
Kryetari i Demokracisë së Re Antonis Samaras:
"Populli grek nuk ka nevojë për një referendum që të tregojë zgjedhjen për qëndrimin në euro, opsion, që ai e mbrojti me sakrifica. Propozimi i zonjës Merkel për një referendum, sidomos në kohën e zgjedhjeve nuk mund të pranohet”. Sipas Samaras, ky është një mesazh i gabuar në kohën e gabuar.
Zyra e shtypit PASOK njoftoi në vijim:
"Referendumi në Greqi është përgjegjësi e Qeverisë dhe Parlamentit grek dhe jo përgjegjësia e qeverive apo shteteve të tjera anëtare të BE-së.
Çështja në Greqi nuk ka të bëjë me qëndrimin apo jo euro, por me daljen nga kriza dhe restaurimin e kursit efektiv të vendit në Evropë”.
Kreu i partisë Grekët e Pavarur, Panos Kamenos:
"Ne nuk kemi asnjë arsye për të bërë referendum. Ne jemi në Evropë, ne jemi në euro. Merkel le të bëjë referendum për vendin e saj, nëse Gjermania dëshiron të qëndrojë në euro".
Ballkanweb.com
Comments
Jepni për nënën
<p><strong>Jepni për nënën Eladhë</strong></p><p>Ç’thot’ ajo e ve e gjorë, mbretëreshë pa kurorë</p><p>Faqeçjerrur, leshlëshuar, shpirt e zëmër përvëluar;</p><p>Gjysm’ e vdekur: «Palikarë, nënës mos ia bëni varrë!»</p><p>Mbahu, nëno, mos kij frikë, ke sillogje n’Amerikë.</p><p>Qan e lutet nën’ e mjerë, nëpër banka lypën nderë,</p><p>Do lirinë dhe dhrahminë, si ç’e pat me Periklinë,</p><p>Bijt’ e besës thërret pranë. Kur i thirri dhe s’i vanë?</p><p>Mbahu, nëno, mos kij frikë, ke sillogje n’Amerikë.</p><p>Cilët jan’ ata tiranë që të pren’ e që të vranë</p><p>Që të dhanë borxhe me mija, dhe t’u nxi, t’u mbyll shtëpija?</p><p>Derthni euro, palikarë, kredinë nënës për t’ia larë,</p><p>Mbahu, nëno, mos kij frikë, ke sillogje n’Amerikë.</p><p>Cilët bij të trathëtuan dhe të doqnë dhe të shuan</p><p>Dhe të lan’, Eladh’ e ngratë, pa xaxiq, pa një kafshatë?</p><p>Këta qena, o shok’ i mbytni, mbushni gjyle që t’i shtypni.</p><p>Mbahu, nëno, mos kij frikë, ka paidhaqe n’Amerikë.</p><p>Sa kërkon e sa të duhen? Burrat nga huaja s’druhen!</p><p>Trim i mirë do të japë, s’kursen jetën as paratë;</p><p>Hithni, hithni tok dollarë, të mos mbetemi të sharë.</p><p>Mbahu, nëno, mos kij frikë, ka sillogje n’Amerikë.</p><p>Do të ndihim pa kursyer, për ty, nëna jon’ e vyer,</p><p>Me kredi të butë të thuresh dhe me bijt’ e tu të mburresh.</p><p>Cila nënë lyp paranë? Cilët bij me shpirt s’i dhanë?</p><p>Mbahu, nëno, mos kij frikë ka buzuqe n’Amerikë.</p><p>Fonde dhe dollarë mblithni, qesen edhe shpirtin hithni:</p><p>Nikoqir’ të vëndit t’onë, sot - se nesër është vonë!</p><p>Jepni, nënën të shpëtoni, komb e vatra të nderoni.</p><p>Kujdes, nënë, zgjedhjet e reja, po të nxjerrin nga BE-ja.</p>
Add new comment