Deputeti i PDIU padit minibashkinë nr.10 në Tiranë, i kanë zënë truallin.

Deputeti i PDIU Tahir Muhedini i është drejtuar gjykatës së Tiranës me një padi civile ku ka paditit njësinë bashkiake nr.10 në kryeqytet. Padia është dorëzuar në sekretarinë e gjykatës në datën 2 qershor, dhe se ka si objekt detyrimin e njësisë bashkiake nr.10 të lirojë dhe dorëzojë sipërfaqen e truallit të zënë në kundërshtim me ligjin.

Nuk dihet me saktësi se cila është sipërfaqja e zënë nga minibashkia, por nga sa mësohet deputeti ka pasur konflikte të vazhdueshme me minibashkinë nr.10. Pritet që në ditët në vijim kjo kërkesë padi të shqyrtohet nga gjyqtarja Fida Osmani.