“Aljazeera”, dokumentar për 500 fëmijë romë shqiptarë të zhdukur

“Fëmijët e humbur të Shqipërisë”, kështu titullohet dokumentari i realizuar nga gazetarja e “Aljazeera”, Sarah Macdonald, ku është investiguar mbi zhdukjen e 500 fëmijëve romë në një jetimore të shtetit Grek.
 
“Është një mister i rëndë që ka tronditur qeveritë e dy vendeve dhe ende përndjek një nga grupet minoritare më të varfra në Europë”.
 
Kështu nis dokumentari në të cilin shpjegohet se një dekadë më parë më shumë se 500 fëmijë romë të Shqipërisë, lypsarë rruge të grumbulluar nga policia Greke para nisjes së Lojërave Olimpike në 2004-ën në Athinë, u zhdukën nga një qendër strehimi shtetërore. Përse ata u dërguan në atë vend dhe ku shkuan më pas?
 
Të gjitha përgjigjet vijnë në investigimin e realizuar për “Njerëz & Fuqi” nga gazetarja Macdonald.