Diktatori Kim Jong Il, i vrarë?!

Bota është plot me teori konspiracioniste, por më e fundit ia kalon edhe asaj të Marilyn Monroe-së. Sipas burimeve të paidentifikuara të shërbimit të inteligjencës ushtarake japoneze, diktatori koreanoverior, Kim Jong Il, në të vërtetë është vrarë të shtunën e kaluar si pasojë e një lufte të egër për pushtet në Azinë Lindore. Vrasja e Kimit u pasua nga një sërë arrestesh të zyrtarëve të lartë të policisë japoneze që kishin lidhje me Korenë e Veriut, si edhe nga përzënia e 6 agjentëve të CIA-s, thonë burimet nga Japonia.

Teoria konspirative vijon me faktin se vrasja e Kimit e ka lënë Yasuhiro Nakasone-n, agjentin kryesor të Koresë së Veriut dhe Rothschildëve në Japoni, pa një bazë ku të mbështetet në rajon, siç pohojnë zëra të nëndheshëm. Ndërkohë në Korenë e Veriut ka plasur një betejë mes fraksionit të Rothschildëve, i cili kërkon të instalojë në pushtet njeriun e tyre, Kim Jong Un, çka do t’i hapte rrugë krijimit të një Banke të Rothschildëve në Korenë e Veriut, kundër klikës ushtarake të Koresë e cila kërkon pavarësi nga kontrolli i Rothchildëve. Të tëra të dhënat vijnë nga Japonia, por burimet nuk pranojnë të identifikohen me emra. Kjo betejë, mendohet të jetë pjesë e një plani për dominim global nga një grup i pajisur me pushtet ekonomik e politik global.

E tëra kjo ngjan si një film i bukur. Por... mjafton të kujtojmë historinë e “vetëvrasjes” së Mehmet Shehut apo fraksionet pro-jugosllave a pro-kineze, atëherë kur ishim një vend i ngjashëm me Korenë e Veriut. Nganjëherë, gjërat më të pabesueshme, qëllon që të jenë dhe më të vërtetat.

k.c.