Politikë

Disa media raportojnë sot për ndryshime në qeveri. Ndryshime të cilat lidhen me një takim mes kryeministrit Edi Rama dhe kreut të LSI-së, Ilir Meta para disa ditësh. Lajmet përqendrohen te dorëheqja e pakonfirmuar zyrtarisht e Edmond Haxhinastos, ministër i Transporteve. Por edhe për ministrin e Brendahëm, Sajmir Tahiri flitet se kalon te Drejtësia, aty ku sot është Ylli Manjani i LSI-së. Spekullimet vazhdojnë me Luan Ramën që merr Ministrinë e Brendshme, të cilën e ka pasionin e vet në politikë për të ecur më tej edhe me largimin e Mimi Kodhelit nga Mbrojtja.

Prokuroria e Përgjithshme ka shpërndarë sot një deklaratë përmes së cilës konstaton disa mangësi dhe probleme që rrjedhin nga Kushtetuta e re, siç është p.sh pamundësia për hetimin e zyrtarëve të lartë që i kalon Prokurorisë së Posaçme, por që do te kërkojë kohë të ngrihet. Më poshtë deklarata e plotë:

"Më poshtë deklarata e plotë e shpërndarë për mediat nga Prokuroria e Përgjithshme.

Gjykata Kushtetuese ka vendosur të dërgojë çështjen Doshi në Gjykatën eLartë, e cila duhet të shprehet edhe për ish-deputetin Mark Frroku dhe Durim Bamin, në lidhje me akuzat e Tom Doshit se ndaj tij ka patur një skenar eleminimi të urdhëruar nga Ilir Meta.
Çështja me të pandehur Tom Doshin, Mark Frrokun e Durim Bamin, u dërgua fillimisht në Gjykatën e Lartë. Por, pas vendimit që Mark Frroku s’është më deputet, situata ndryshoi.

Bashkia e Tiranës hyn në fushatë elektorale me një ofertë të hapur me natyrë sociale. Kryetari i saj, Erjon Veliaj, ka premtuar 2000 kredi të buta, gjatë inaugurimit të konviktit të shkollave elektrike “Gjergj Canco”.

Akademia e Shkencave do të reformohet. Këtë ka paralajmëruar kryeministri Edi Rama gjatë takimit të 11-të të Institutit Alb-Shkenca. Duket se me këtë institut kryeministri ka vendosur të ndajë organizimin dhe përfaqësimin për samitin e Diasporës, nga i cili siç tha ai "nuk synohet të nxirren përfitime politike". Kryeministri nuk ka kursyer as sulmet dhe as direktivat për Akademinë e Shkencave, një institucion që ka humbur shumë nga autoriteti i dikurshëm.

Me kalimin e reformës në drejtësi dhe sidomos të ligjit të vettingut, ka një mësymje propagandistike që e vendos qeverinë në pozicione epërsie të padiskutueshme për zgjedhjet. Pozicione që duken edhe më të logjikshme kur sheh sesi Ilir Meta e la masazhin me Arjanin e hotel “Grand” dhe iu drejtua për ndihmë masazheve nga kryeministri.

Kryeministri Edi Rama ka qenë në Shkodër për të parë ndeshjen Shqipëri - Marok. Edi Rama ka shfrytëzuar vizitën për të dhënë show para kamerave teksa ka debatuar me kryetaren e Bashkisë, Voltana Ademi për disa ndërtime rreth stadiumit. Nuk mungon tundja e kokës e atij që i vjen keq për nivelin e bashkëbiseduesit, metaforë kjo e Ramës për opozitën. E në çdo rast fasadomania nuk mbulon dot përgjigjen e munguar ndaj akuzës së Ademit për mungesë fondesh dhe varfëri.

Miratimi në mënyrë të njëanshme i ligjit të vettingut imlë opozitës vetëm rrugën e ankimimit të tij në Gjykatën Kushtetuese.

Ministria e Arsimit do të blejë 1900 abetar për fëmijët e diasporës. Gazeta “Shqip” shkruan sot se fondi i akorduar është 23 milionë lekë dhe përmes tyre do të blihen 1900 abetaret dhe 400 copë libra “Gjuha Shqipe 2” dhe 400 copë “Gjuha Shqipe 3”.

Ligji për vettingun e gjyqtarëve dhe prokurorëve është kaluar sot në parlament pa votën e opozitës. Ky akt i rëndësishëm politik e legjislativ kreditoi krejt pa bazë një paradë deklaratash që provojnë krizën reale të vendit. Kryeministri nxitoi të shpallte soliditetin e koalicionit dhe rikthimin e drejtësisë në Shqipëri, ndërkohë që thjesht është hapur një proces i gjatë dhe i ndërlikuar.