Lajme

Aktet terroriste në Paris rihapën debatin në Shqipëri mbi rolin e Komunitetit Musliman Shqiptar në konfigurimin e rrymave të ndryshme të besimit islam që veprojnë në Shqipëri. Ata që janë kundër autoritetit zyrtar kanë filluar të flasin hapur pse kundërshtojnë juridiksionin e Komunitetit Musliman Shqiptar dhe pse veprojnë sipas një autoriteti të vetëshpallur si në rastin e xhamisë së Fushë-Mzezit apo Unazës së re.

Destabiliteti politik që ka shoqëruar Athinën vitet e fundit, duket se i ka dhënë terren një rebelizmi të verbër që shfaqet gjithmonë e më shpesh në shoqërinë greke. Skena të tilla dhune marrin përmasa në ngjarje më vëmendje të madhe publike siç ishte derbi i futbollit të ligës së parë greke mes Panathinaikos dhe Olimpiakos.
Ende pa nisur loja tifozët hodhën fishekzjarre në fushë, duke dhënë shkëndijën e parë të anarkisë që mbizotëroi më pas brenda në stadium dhe jashtë tij.

Tashmë janë shumë të paktë ata që besojnë se viti 2015 ishte vit i suksesshëm për financat e vendit, por edhe për qeverisjen. Vetëm në verë, qeveria u detyrua të shikonte me ulje planin e të ardhurave, të cilin e shoqëronte me argumentet se përse plani i mëparshëm nuk ishte realizuar. Kështu edhe në shtator. E po të besojmë ish-kryeministrin Sali Berisha, Ministria e Financave ka ndërmend të rishikojë sërish me ulje planin e të ardhurave. Kësaj radhe çarja ka ardhur nga Doganat.

Fakti që ISIS përparon dhe ngjan i pamposhtur lidhet deri diku edhe me axhendat e ndryshme që fuqitë e mëdha kanë në Siri. Shembull i qartë është heshtja e Perëndimit ndaj ndërhyrjes ruse në Siri si dhe miratimi me vonesë i sulmeve të Kremlinit. Mirëpo me kalimin e kohës, në vështrim po vjen paqja dhe periudha që pason pastrimin e Sirisë nga militantët e Shtetit Islamik.

Në Shqipëri e Kosovë rrallë ndodh të gjesh familje që nuk është prekur nga emigrimi në një formë apo në një tjetër. Prej 25 vitesh shqiptarët e përdorin emigrimin si përgjigje ndaj izolimit, kushteve të vështira ekonomike e sociale e shpesh edhe për ti shpëtuar situateve konfliktuale me sfond politik apo social. Emigrimi, megjithëse fillimisht ilegal dhe shpesh i rrezikshëm (nëpërmjet detit apo dhe përmes maleve) ka qenë një zgjidhje efektive kundër varfërisë,  një strategji mbijetese duke ndikuar në arritjen një nivelimë të lartë jetese.

Partia Demokratike ka denoncuar sot tenderin e sterilizimit që sipas saj i jep 100 milionë euro një miku të kryeministrit Edi Rama. Deputetja Albana Vokshi, deklaroi se akti në fjalë vjen ndërkohë që sistemi shëndetësor shqiptar e ka sistemin në fjalë. “100 milionë euro për sterilizimin, ndërkohë që ky sistem ishte i ngritur nëçdo spital. Një investim prej 1.3 milionë euro i bërë nga qeveria e mëparshme, mjaft modern dhe efikas. Por Rama dhe Beqa, kanë tjetër prioritet. Nuk u intereson sterilizimi, por milionat.

Shqipëria paraqitet sërish si vendi më pak i konkurrues në rajon. Sa i përket taksave më të larta dhe pagesës së tyre, Shqipëria lë pas në rajon vetëm Serbinë. Banka Botërore në raportin e  indeksit të pagesës së taksave për vitin 2016 e rendit Shqipërinë në vendin e 142-të në mesin e 189 ekonomive të ekzaminuara me një humbje pre 11 vendesh në krahasim me një vit më parë.

Një tjetër padi në arbitrazh për qeverinë shqiptare. Këtë herë është kompania e naftës Bankers Petroleum që ka dorëzuar një padi në Arbitrazhin Ndërkombetar pas urdhrit te Drejtorisë së Tatimeve për të bllokuar llogariteë bankare të kompanisë në Shqipëri me qëllim marrjen e 75 milionë dollarëve, të cilat tatimet pretendojnë se duhet të paguhen nga kompania.

Ambasadori shqiptar në Greqi Dashnor Dervishi në një intervistë për Independent Balkan News Agency zbulon se kushti i palës shqiptare për të arritur një marraveshje për çështjen e kufirit detar dhe varrezat e ushtarëve grekë është nënshkrimi i akteve nënligjore që do të bëjë të mundur edhe një marrëveshje për njohjen nga Greqia të kufijve tokësore të Shqipërisë