Arkiv-Lajme

Në dhjetëvjecarin e fundit, ekonomia shqiptare është rritur mesatarisht me 5.5 deri në 6 për qind në vit (sipas shifrave zyrtare), në dukje një nga normat më të larta në rajon. Por a ka mjaftuar ky ritëm i zhvillimit, të rrisë mirëqënien e shqiptarëve njëlloj si fqinjët e tyre në Ballkan?

Opozita e Serbisë ka organizuar protesta nën moton: "Serbia nuk do të integrohet në Bashkimin Europian". Ata, sipas radios B92, u shprehën për braktisje të menjëhershme të procesit të integrimit.

Lufta për ekzistencë e ka kthyer ekonominë në një xhungël ku nuk kursehen as të vdekurit. Në qytetin e Fierit mbledhësit e hekurit për skrap kanë thyer varrezat e qytetit për të grabitur çdo gjë metalike, që nga kangjellat rrethuese e deri tek vazot e bronxit.

Në një intervistë për Vizion Plusin, Rexhep Qosja u është kthyer konsideratave për Ismail Kadarenë, dhe Fred Peza nuk e ka pasur hiç të vështirë për ta futur bisedën në këtë korsi. Helena Kadare e ka shpjeguar prishjen e marrëdhënieve Kadare-Qosja në librin e vet autobiografik në një mënyrë që Qosjes nuk i ka pëlqyer (është marrë vesh kjo gjë nga reagime të tjera, sidozot ai i Agim Vincës), dhe ky fakt ka qenë një arsye e mirë për ta rihapur atë argument.

Europarlamentari Victor Bostinaru ka qenë më i qartë e më gojëbrisk se të tjerët në deklaratat e tij mbi atë që ka ndodhur e ndodh në Tiranë e mbi marrëdhëniet mes BE-së e Shqipërisë.

Rezultati i summit-it dy ditor të BE-së ish një marrëveshje mes 26 vendeve për të draft-uar një traktat, me anë të të cilit synohet t’i bëhet ballë krizës së borxheve që e pati zanafillin në Greqi, e më pas në Irlandë, Portugali, Itali, Spanjë, e që këto ditë i është kanosur Francës e ka rrezikuar deri dhe Gjermaninë me ekonominë e fuqishme. Kjo marrëveshje, që kërkon muaj për t’u sendërtuar, do të ecë në rrugën e disiplinës buxhetore e fiskale (është në plan një bashkim fiskal), dhe të sanksioneve për ato vende që nuk do të arrijnë ta mbajnë këtë regjim disipline.

Legjenda e urbane e ka se, ideja e asaj që sot konsiderohet si Rruga e Kombit, është ngjizur në një udhëtim nga Prishtina drejt Tiranës të kryeministrit Berisha. Në makinë me të ndodhej edhe gazetari i Opinion-it, Blendi Fevziu. Nëpër bisedë, ndihmuar edhe nga tronditjet e rrugës së keqe, ka hyrë edhe ideja e një rruge të re që do ta fuste Berishën në histori.

“Shpesh herë është tamam rasti për të thënë se nuk mundem të jem dakord, nuk mund ta bëj këtë gjë, nuk është në interesin nacional që unë përfaqësoj; unë nuk mund të shkoj në parlamentin tim që t’ua rekomandoj deputetëve këtë që thoni ju, e pas kësaj të jem me ndërgjegje të pastër; dhe me këtë unë po ju them vendosmërisht ‘jo’.”

Shoqata e Arbitrave të Shqipërisë ka vendosur të bëjë një akt heroizmi të pazakontë në këto kohë pa heroizëm: të bojkotojnë 1 javë kampionatin e futbollit. Vendimi erdhi pasi komisioni i Disiplinës së Federatës thjesht e përkëdheli Laçin për dhunën kafshërore ushtruar gjatë ndeshjes Laçi-Kastrioti ndaj arbitrit të FIFA-s Lorenc Jemini javën e kaluar.

Në raste të tjera të ngjashme, vite më parë, ekipet janë përjashtuar nga Kategoria. Por ato ishin ekipe të vogla e pa shumë mbrojtje.

Dita e Rinisë këtë vit pa një protagonist të ri: Kryetarin e Bashkisë. I ardhur vetëm pas 2005 në politikën shqiptare, Lulzim Basha, duket po kërkon të rekuperojë kohën e humbur. Prandaj ai mori rolin e protagonistit në festimet e ditës së rinisë, ditë në të cilën shumë protagonistë të vërtetë heshtën.