Arkiv-Lajme të përditësuara

Zona arkeologjike në Lezhë ka nisur të betonizohet nga bashkia e cila ka nisur ndërtimin e një objekti, që sipas Drejtorisë së Monumenteve ndalohet me ligj.
Kjo situatë ka përplasur Bashkinë e Lezhës me Drejtorinë rajonale të kultures kombëtare në Shkodër, e cila e kosideron një shkelje flagrante të ligjit. Drejtori i këtij institucioni Besi Bekteshi ka deklaruar se ndërtime të tilla nuk lejohen edhe kur ato janë ndërmarrë nga shteti, pasi mbi të gjithë qëndron ligji.

Një aksident i rëndë ka ndodhur në qytetin e Shkodrës rreth mesditës së sotme në rrugën tek zona e “Sahatit”, pranë sheshit “Demokracia”.
 
24-vjeçari, Emiljan Babaj i cili po udhëtonte me një motor nga lagjja Rus në drejtim të qendrës së qytetit, si pasojë e shpejtësisë ka humbur kontrollin duke u zvarritur disa metra së bashku me mjetin, e duke u përplasur me bordurën ndarëse të rrugës.
 
Kjo i ka shkaktuar fraktura të rënda në trup dhe kokë, duke bërë që 24-vjeçari të gjente vdekjen e menjëhershme në këtë aksident.
 

Komiteti Shtetëror për Kultet, së bashku me Bashkësitë Fetare, duke marrë shkas nga dy ngjarjet e rënda të krimit brenda familjes të ndodhura së fundmi kanë dalë në një deklaratë të përbashkët ku i dënojnë këto akte.

Tunxh Vatnikaj, ish-kreu i AKKP i proceduar penalisht nga prokuroria e Tiranës për abuzimet me pronat në “Plazhin e Gjeneralit” në Kavajë, ka bërë kërkesë në KLD për rikthim në punën e mëparshme të gjyqtarit.

Shërbimet e Komisariatit të Policisë së Kurbinit, kanë identifikuar, lokalizuar dhe arrestuar një person të shpallur në kërkim ndërkombëtar për pjesëmarrje në organizatë kriminale për trafikimin dhe shfrytëzimin e femrave për prostitucion. 

Artan Hutbi, rezultonte i dënuar me 17 vite burg nga drejtësia Italiane, ndërsa vijonte të lëvizte i lirë. Hutbi, është arrestuar nga policia në zonën e Fushë-Kuqes, ndërsa gjatë arrestimit mësohet se nuk ka bërë rezistencë.

Vrasje apo vetëvrasje? Një javë pasi u gjend e pajetë në banesë 28-vjeçarja Ana Fjolla, nënë e dy fëmijëve 6 dhe 3 vjeç, hetimet nuk janë mbyllur ende për të thënë nëse është vrasje apo vetëvrasje. 

Ngjarja ndodhi në 22 maj në fshatin Prush në Tiranë. 

Elida Uka, motra e viktimës ka sjellë në Urbanika të dhënat dhe faktet e tyre pse ngjarja nuk mund të jetë vetëvrasje, por edhe nëse provohet ky fakt të hetohen sjelljet dhe dhuna e bashkëshortit Agron Fjolla për ndikimin në ngjarjen që i mori jetën Anës. 

Partia Demokratike ka depozituar dje në Kuvend një kërkesë për ngritjen e një komisioni hetimor për shkarkimet nga administrata publike. Kërkesa e demokratëve u bë në ditën e 8 të grevës së urisë të të larguarve nga administrata. Deputeti Eduard Halimi depozitoi kërkesën në Kuvend ku në një prononcim jashtë ambienteve të institucionit theksoi se ngritja e këtij komisioni është i domosdoshëm përshkak se në administratë është shkarkuar një numër i madhe punonjësish.

Një histori dashurie mes kamarierit dhe një banakiereje të një lokali në qytezën e Klosit, ka sjellë vrasjen e një 23-vjeçari dhe më pas groposjen e tij me eskavator në një thellësi prej 1.5 metra në shtratin e lumit Mat. Bashkëshorti i Flora Boja, Përparim Boja dhe dy persona të tjerë Astrit Boja dhe Fation Cani janë përfshirë në vrasjen e 23-vjeçarit Fation Barmeta, ngjarje kjo që ka ndodhur në 22 nëntor 2012. Krimi i rëndë ka si motiv xhelozinë, ndërkohë mënyra e kryerjes së vrasjes ka qënë me sende të forta dhe më pas trupi i të riut është varrosur me zhavor.

Policia e Durrësit bën me dije se ditën e nesërme, nga ora 14:00-15:00, në zonën e Shkëmbit të Kavajës do të jetë në mbështetje të INUK në shembjen e një objekti 9-katësh.
 
Për të garantuar një veprim të sigurt, përgjatë këtij orari do të ketë një bllokim të qarkullimit të automjeteve në rrugën interurbane kryesore dhe dytësore Durrës-Kavajë. Për këtë arsye iu kërkojmë drejtuesve të mjeteve të shmangin lëvizjen në këtë aks përgjatë orareve të referuara.
 

 Pas autopsisë së bërë trupit të pajetë të 21 vjeçares Fatmira Dushku e cila u vra nga i ati ditën e djeshme, por që u raportua si aksident nga familjarët, ka treguar se ajo ishte 5 muajshe shtatzënë.

Burime për Shqiptarja.com bëjnë të ditur se 21 vjeçarja kishte një marrëdhënie prej disa kohësh me një djalë çka ka çuar edhe në vrasjen e saj nga i ati Duksan Dushku. Ndërkohë po sipas të njëjtave burime mësohet se po hetohet edhe mbi dyshimet se vrasja është kryer në bashkëpunim nga i ati.