Arkiv-Lajme të përditësuara

Këshilli i Lartë i Drejtësisë kërkon përmirësim në procedurat për shqyrtimin e kërkesave për mbrojtjen nga dhuna në familje. “Përmirësimi i situatës kërkon ndërhyrje ligjore dhe administrative.
 

Drejtoria e shëndetit dhe higjenës në rrethin e Fierit ka intensifikuar aksionet për evidentimin e lokaleve dhe institucioneve shtetërore që nuk respektojnë ligjin antiduhan.

Ky ligj i hyrë në fuqi prej kohësh nuk po gjen zbatim në terren, kryesisht në bare dhe lokale, por problematike mbetet situata edhe në institucione shtetërore.

Pavarësisht problematikës, drejtoria e shëndetit publik Fier nuk ka ndjenjur duarkryq, teksa janë marrë masa penalizuese karshi subjekteve që nuk respektojnë ligjin.

Fakte të reja të pa publikuara asnjëherë më parë priten të dalin sot në dritë nga komisioni hetimor për drogën, i cili do të mblidhet në orën 11:00. Një gjë të tillë e ka paralajmëruar kryetarja e këtij komisioni Ermonela Felaj gjatë ditës së djeshme, por edhe kryeministri Edi Rama nga foltorja e Parlamentit.
 

Fshati i Lazaratit, duket se nuk është i vetmi që “mbron” drogën me kundërpërgjigje të forta ndaj policisë. Një e tillë ka ardhur edhe gjatë ditës së djeshme nga banorët e komunës së Kurveleshit në Tepelenë, ku aksioni i bluve për të asgjesuar parcelat me kanabis, ka hasur në rezistencë, me të shtëna me armë, thyerje të xhamave të makinave të policisë dhe bllokimin e rrugës.
 

Doksan Dushku, burri i moshuar që mori përsipër krimin e rëndë dhe të paprecedent të vrasjes së të bijës, ka rrëfyer për policinë edhe personin, për të cilin ka dyshime se mund të ishte i ati i fëmijës së të bijës. Madje ai ka treguar edhe lidhjen miqësore që ka patur me personin, i cili sipas të dhënave i përket të njëjtit fshat. Policia mban sekret emrin e personit, ndërkohë që mësohet se orëve të vona të mbrëmjes së mërkurë edhe kryer edhe ceremonia mortore e vajzës 21vjeçe që u ekzekutua me 8 plumba nga babai i saj.

Një konflikt i mundshëm interesi në një marrëveshje bashkëpunimi mes institucionit të Avokatit të Popullit dhe një Organizate Jofitimpruresë që drejtohet nga Marta Onorato, gruaja e Igli Totozanit, ka vënë në lëvizje zyrën e ILDKP-së, e cila prej disa kohësh ka nisur verifikimet.

Një çift bashkëshortësh është grabitur dhe dhunuar nga 4 persona të maskuar. Ngjarja ka ndodhur në banesën e çiftit Kujtim dhe Dallëndyshe Ruçi mesditën e djeshme, ndërsa është bërë e ditur vetëm sot nga ana e policisë.

Mësohet se çifti i dhunuar është shtruar në spital për të marrë mjekimin e nevojshëm pas plagëve të marra nga 4 grabitësit.

Policia e Sarandës ka nisur hetimet për identifikim e autorëve, menjëherë pasi është vënë në dijeni të ngjarjes.

Policia ka arrestuar Ilir Alliun, ish-futbollisti i Tiranës dhe ish-shefi i ekipit të Sopotit. 41-vjeçari Alliu pasi është konfliktuar me një punonjës policie. Ilir Alliu është konfliktuar me efektivin Shaban Belba, shkaqet janë të paqarta.
 
Në momentin e arrestimit ish-futbollisti ka bërë rezistencë ndaj policisë duke fyer dhe dhunuar grupin e shoqërimit.
 
Ilir Alliu do përballet me akuzën e kundërshtimit dhe goditje të efektivëve të policisë në krye të detyrës.

Kryeministri Rama e ka konsideruar sot si një hap shumë të madh, shpëtimin e skemës së sigurimeve shoqërore, që ishte në prag të falimentimit dhe brenda pak vitesh do linte pa asnjë qindarkë, pensionistët e ardhshëm.
Këtë “shpëtim” ai e konsideroi se u bë i mundur falë të qënit të hapur me Bankën Botërore, duke ia prezantuar rrezikun e falimentimit, pra, pa e fshehur atë aspak.

Inspektorati i Punës ka bllokuar punimet në guroren e fshatit Vranishtë të Fierit. Kontrolli i Inspektoratit të Punës është kryer pasi një ditë më parë humbi jetën një person. Leonidha Balili, babai i dy fëmijëve humbi jetën ditën e djeshme teksa ishte duke punuar në këtë gurore.

Vdekja e Balilit erdhi si pasojë e shkëputjes së një masivi dheu ndërsa Inspektorati i Punës ka inspektuar sot kantierin duke e bllokuar atë.