Arkiv-Lajme të përditësuara

Banorët e Komunës së Bradasheshit në Elbasan sërish janë hedhur në protestë për çeshtjen e vlerësimit të tokës në të cilën kalon autostrada Elbasan-Tiranë. 

Oficerët e policisë dhe personazhe të famshëm i janë bashkuar rreth 1500 personave në qytetin e Rio De Janeiros në një garë për të festuar paqen. 

“Gara e Paqes” përshkoi rrugën e përdorur nga trafikantët e drogës për tu arratisur nga favela Alemano, ku policët shkuan atje në nëntor të vitit 2010. Edhe ish-pjesëtarë të bandave të drogës morën pjesë në këtë garë 5 kilometërshe në rrugët e lagjeve të varfra.

Për shumë dekada Alemano ka qenë tabu për policinë dhe dhuna e skajshme ishte mbizotëruese në këtë zonë.

Irani do të nisë punën për ndërtimin e centralit të dytë nuklear. Sipas kreut të Organizatës së Energjisë Atomike të vendit, Fereydoun Abbassi Davani, puna prë ndërtimin e një impianti 1 mijë megavat do të nisë vitin që vjen e do të përfundojë marsin e 2014-ës.

Ai tha se centrali do të ndërtohet në një objekt ekzistues bërthamor në qytetin Jugor të Bushehrit, i cili zyrtarisht u hap shtatorin e vitit të shkuar. Ndërtimi në centralin e parë nuklear në vend nisi në vitin 1978, por përkohësisht puna në të u ndal si pasojë e Revolucionit Islamik. 

Komentet e ashpra të Christine Lagarde dhe pretendimet e saj se grekët duhet të paguajnë taksat që i shmangin prej kohësh, kanë shkaktuar zemërimin e partive politike në Greqi. 

Lideri socialist Evangjelos Venizelos e akuzoi shefen e FMN-së “për ofendim të popullit grek”. Kreu i së majtës radikale Aleksis Tsipras insistoi të tregonte se punëtorët grekë vazhdojnë t’i shlyejnë detyrimet e tyre edhe pse janë të papërballueshme. 

“Nëse kërkon njerëz që i shmangen taksave, le t’i drejtohet Pasok-ut dhe Nea Demokracias”, tha Tsipras.

Katër sondazhe të reja që publikohen në shtypin e së dielës u japin vendin e parë konservatorëve grekë. Demokracia e Re kryeson tashmë nga 0.5 deri në 5.5% ndaj Radikalëve të Majtë të bllokut SYRIZA dhe mund të krijojë një qeveri koalicioni së bashku me socialistët pasi mund të përqëndrojnë më shumë se 160 nga 300 vendet e parlamentit duke vazhduar reformat e përcaktuara nga marrëveshja e huasë me BE-në dhe FMN-në e duke siguruar ekzistencën e Greqisë në Eurozonë.

Policia Bashkiake e Elbasanit prej tre ditësh ka bllokuar tregun e romëve duke  kërkuar transferimin e tyre në një vend tjetër. Mësohet se tregu i ri nuk është më shumë se 200 metra larg tregut aktual. 
Mbyllja e tij është kundërshtuar ashpër nga romët, pasi këta të fundit pretendojnë se tregu i ri ka qera shumëfish më të lartë, të cilën nuk mund ta përballojnë. Gjithashtu këta të fundit thonë që janë në rregull me pagimin e të gjitha  taksave duke kërkuar që bashkia të rishikojë edhe një herë vendimin e marrë.

Titujt e shtypit të sotëm në Beograd flasin për kushtet që Brukseli, duke cituar zyrtare të lartë të Qeverisë, do të vendosë për hapjen e negociatave për anëtarësimin e Serbisë në Bashkimin Europian. Gazeta Press citon ministrin e Jashtëm serb, Vuk Jeremic, i cili thuhet se është takuar me drejtorin për Europën në BE, Mirosllav Lajcak. 

Dhjetëra mijëra njerëz dolën në rrugët dhe sheshet e Kazablankës në Marok, për të protestuar kundër qeverisë në lidhje me përmirësimin e situatës sociale. 

Këto janë demonstratat më masive kundër qeverisë të formuar në janar nga Abdelilah Benkirane pas zgjedhjeve të nëntorit, në të cilat partia e moderuar islamike e udhëhequr nga vetë ai fitoi me një verdikt masiv dhe të qartë.

Manifestimi është nisur me iniciativën e Konfederatës Demokratike të Punës dhe Federatës Demokratike të Punës.

 Bankat franceze, të cilat janë ndër huadhënësit më të ekspozuar ndaj borxhit grek, kanë rritur përpjekjet e tyre për skenaret e paparashikuara të një daljeje të mundshme të Greqisë nga euro. Lajmin e konfirmojnë burime në dijeni të planeve të tilla të cilat në kushte anonimiteti konfirmojnë se janë rritur përgatitjet nga bankat, përfshirë këtu Credit Agricole, BNP Paribas dhe Societe Generale. 

Në prag të zgjedhjeve të reja, ndërsa sezoni turistik sapo ka filluar, punonjësit e hoteleve organizuan një grevë 24-orëshe për të protestuar kundër reformave në tregun e punës. Protestuesit marshuan përmes rrugës turistike që të çon deri në zonën arkeologjike të Akropolit duke lënë pas turistët ende të përgjumur e që kësaj here duhet të çanin përmes mijëra demonstruesve për të parë monumentet antike.