Arkiv-Lajme të përditësuara

Në ditën e tretë të protestës, banorët e komunës së Bradasheshit në Elbasan, kanë bllokur makineritë që punojnë për ndërtimin e aksit Elbasan - Tiranë . Ata kundërshtojnë çmimin e shpronësimit të tokës, që do të preket nga kjo rrugë. Protestuesit janë përplasur me forcat e policisë, që kishin mbërritur për të zhbllokuar punimet e firmës kontraktore.

Për t'u dhënë garanci banorëve se çmimi i tokës do të rishihet, ishte i pranishëm edhe kreu i Drejtorisë së Shpronësimeve në Drejtorinë e Përgjithshme të Rrugëve në Tiranë, Abedin Muça.

Në një artikull të botuar nga revista "Bloomberg" thuhet se "shock-u që do të pasojë daljen e Greqisë nga euro, mund të arrijë edhe në Kinë”. 

Disa anëtarë të Bordit të Fondit Monetar Ndërkombëtar kanë shprehur pakënaqësi për deklaratat e drejtoreshës së FMN, Christine Lagarde, të bëra në gazetën britanike Guardian si dhe krahasimi prej saj, i të varfërve në Greqi me fëmijët e Afrikës. 

Gazeta Proto Thema shkruan se ka informacione që atmosfera në bordin e FMN është shumë e rëndë dhe disa anëtarë të Fondit nuk janë të kënaqur me shpjegimet që Lagarde dha përmes Facebook në faqen e saj personale, pas reagimeve-breshëri nga mijëra grekë. 

Një tërmet i fuqishëm ka tronditur mëngjesin e së martës veriun e Italisë, duke vrarë të paktën tetë persona dhe duke varrosur të tjerë nën gërmadha. 

Origjina e tërmetit është lokalizuar në rajonin Emilia Romanja dhe sipas mediave lokale, fuqia e tij është vlerësuar 5.8 ballë. 

Lëkundja është ndjerë edhe në qytetet Milano e Bolonja, ku punonjës të sektorit publik janë evakuar nga ndërtesat, ndërkohë që në zona të tjera ka pasur shembje të pallateve të vjetra. 

Përfundoi procesi i rikapitalizimit të 4 bankave më të mëdha greke, me disbursimin e 18 miliard euro nga Fondi Evropian i Stabilitetit Financiar (EFSF), si pjesë e planit të rënë dakord me "paketën" e fundit të asistencës në Greqi. 

Interesat e borxhit spanjoll kanë kërcyer sërish në nivele të larta, ndërsa aksionet e bankës, Bankia SA ranë në shifra rekord, pasi qeveria e cila kërkon të vendosë nën kontroll financat e veta njoftoi shtetëzimn e institucionit të katërt më të madh të vendit.

Kryeministri spanjoll Mariano Rajoy fajësoi për rritjen e kostos së borxhit, shqetësimet për të ardhmen e eurozonës dhe përjashtoi mundësinë e ndihmës nga jashtë për rimëkëmbjen e sektorit bankar të vendit. 

Regjisori austriak Michael Haneke rikthehet suksesshëm në rivierën franceze. Në natën finale të edicionit të 65 të festivalit më prestigjoz të filmit në Evropë, Haneke triumfon me "Amour", duke rrëmbyer sërish Palmen e Artë, të dytën pas asaj të fituar për "The White Ribbon"(Fjongo e Bardhë).

Ngjan si "deja vu" dhe për Matteo Garrone i cili fitoi grand prix gati gati vendin e dytë për reality, një çmim të fituar katër vjet më parë për filmin "Gomorra".

Nga mbi 40 institucione të arsimit të lartë në Shqipëri, vetëm 3 privatë e kanë statusin e universitetit, pasi ofrojnë dhe diplomë të nivelit të tretë, pra për master  e doktoraturë. Shifra është konfirmuar nga ministri i Arsimit, Myqerem Tafaj, gjatë një seance dëgjimore në Kuvend mbi mënyrën e licensimit dhe dhënien e diplomave nga arsimi lartë privat, pas skandalit me Rrenco Bosin, djalin e ish-kreut të Lega Nord ne Itali.

Produktet të cilat konsideroheshin tradicionale dhe të njohura për Maqedoninë, tashmë nuk janë ekskluzivisht të këtij shteti. 

Tranguj, lakra, mollë apo dardha nga Shqipëria mund të gjesh me bollëk në tregjet e gjelbra në Maqedoni. Ndonëse deri tani Maqedonia eksportonte me shumicë në Shqipëri dhe Kosovë shumicën e prodhimeve bujqësore, tani ndodh e kundërta. Aktualisht Maqedonia është duke eksportuar vetëm qepë. 

Të thuash që policia i ka pagat e ulëta në krahasim me punën që bën, pavarësisht që qeveria thotë të kundërtën, është një fakt që e dinë shumë vetë.