Arkiv-Lajme të përditësuara

Mijëra vetë u bashkuan në një proteste në Athinë të organizuar nga grupime anti-raciste dhe të majta duke bërë thirrje që të përjashtohet nga Parlamenti grek. Agimi i Artë, partia Neonaziste, pasi një prej anëtarëve të saj gjuajti me shpulla një politikane komuniste.

Marshimi kundër racizmit ishte planifikuar disa javë më parë por mori një tjetër kthesë pas incidentit të së enjtes, në një televizion privat. Mijëra njerëz morrën pjesë në tubime në të paktën 15 qytete. Parrulla kryesore e hedhur ishte "kurrë përsëri fashizmi në Parlament."

Policia amerikane ka arrestuar 190 persona në një operacion të madh për pornografinë e fëmijëve. 

Gjatë operacionit një mujor “Orion”, janë shpëtuar edhe 18 fëmijë të rrezikuar, bënë me dije zyrtarët.

Arrestimet janë bërë kryesisht në SHBA, por edhe në vende të tjera, përfshirë Spanjën, Argjentinën, Britaninë e Madhe dhe Filipinet.

Zyrtari përgjegjës tha se shumë nga rastet e kishin zanafillën në internet, teksa dikush nga fëmijët bisedonte me dikë që kishte hasur online.

“Zhvillimet e fundit në Spanjë dhe Greqi mund të çojnë në një rishikim të normave të interesit në shumë vende të eurozonës”. 

Kështu thotë agjencia e njohur e kreditimit “Moody’s”, sipas të cilës rreziku i daljes së Greqisë nga zona e monedhës së përbashkët kërcënon ekzistencën e euros. 

“Problemet e sistemit bankar spanjoll janë pjesërisht specifikë e vetë vendit dhe me shumë mundësi nuk përbëjnë një motiv të rëndësishëm infektimi për vendet e tjera, veç Italisë”, ka deklaruar agjencia. 

"Grekët kanë marrë armët!" Kështu shkruan sot gazeta greke Proto Thema, duke konstatuar se aktualisht qarkullojnë në vend mbi 1 milion armë. 

"Rritja e krimit dhe frika se mund të përballen papritur me një keqbërës të armatosur me Kallashnikov, bën që njerëzit të kërkojnë mbështetjen në një armë", shkruan gazeta duke iu referuar burimeve në ministrinë e Mbrojtjes së Qytetarit. 

Ndotja rrit frikshëm sëmundjet e gjakut në Shqipëri. Me 2000 raste të reja në vit të këtyre sëmundjeve, leuçemia është më e përhapura. Shefi i Shërbimit të Hematologjisë, Pal Xhumari thotë se shkak i rritjes galopante është kryesisht ndotja e mjedisit, ndërsa kjo sëmundje tani po prek çdo grupmoshë.

Presidenti amerikan Barack Obama e ka drejtuar sërish gishtin tek kontinenti i vjetër, duke deklaruar se liderët evropianë duhet të marrin vendime të vështira për të nxjerrë eurozonën nga kriza. 

Duke folur nga Shtëpia e Bardhë, zoti Obama tha se Amerika do ta mbështesë Evropën në implementimin e zgjidhjeve të vështira që duhen për t’i dhënë fund krizës së gjatë të borxheve. 

Presidenti i Shteteve të Bashkuara vlerësoi se një reçesion i ri dhe i thellë në Evropë do të kishte një impakt të fortë tek ekonomia amerikane, që vlerësohet të jetë ende e brishtë. 

Në Tel Aviv është mbajtur sot parada vjetore e homoseksualëve. Dhjetëra-mijëra izraelitë kanë dalë në rrugët e qytetit, ndërkohë që festimet janë karakterizuar me muzikë, vallëzim dhe flamuj me ngjyra ylberi. 

Mbështetësit e homoseksualëve thonë se Tel Avivi është njëri nga destinacionet më mikpritëse në botë të kësaj kategorie të shoqërisë. 

Ndërkohë, që parada ka shkuar e qetë dhe nuk raportohet të ketë ndodhur asnjë incident. 

Ballkanweb.com

 Një raport i FMN-së që duhet të publikohet javën që vjen thotë se bankat spanjolle do të kenë nevojë për të paktën 40 miliardë euro, por dita e enjte është mbyllur me lajme të këqija për Madridin zyrtar, pasi kompania Fitch uli me 3 pikë vlerësimin për Spanjën duke e çuar në 3B dhe një parashikim negativ për të ardhmen. 

"Po pres FMN dhe vlerësuar e pavarur që të japin një shifër që mendojnë se duhet për të rikapitalizuar sistemin financiar. Më pas, do të nxjerr shifrat e mia dhe qeveria do të vendosë shumën që do të duhet",-tha kryeministri spanjoll, Mariano Rajoy. 

Ministrat e Brendshëm të BE-së kanë rënë dakord për reformimin e Shengenit dhe shkak për rivendosjen e kontrolleve në kufij mund të jenë flukset e emigrantëve të paligjshëm. Rregulli i ri parashikon një 'mekanizëm emergjence', sipas të cilit vende të veçanta anëtare mund të mbyllin kufijtë e tyre 'si rruga e fundit', në rast se një tjetër shtet i BE-së nuk kontrollon si duhet kufijtë e tij të jashtëm dhe në rast se 'kërcënohet në mënyrë të rëndë' siguria e brendshme e shteteve të tjera, që do të thotë: në rast se si pasojë hyjnë në BE një numër i madh migrantësh të paligjshëm. 

Dhjetëra familje rezultojnë të kthyera nga emigracioni në komunën Picar në Gjirokaster. Shume prej tyre thone se kriza greke i ka detyruar te kthehen ne vendlindje, por pa shume mundesi punesimi dhe integrimi. 

Kjo zone  popullohej dikur prej me shume se 1 mije banoresh ndersa pas viteve 90 ne qender te komunes jetojne vetem 100 persona. Lina Thana thote se sapo eshte kthyer nga emigracioni pas 15 vite pune ne shtetin grek dhe nuk sheh asnje mundesi punesimi ne zone.