Arkiv-Lajme të përditësuara

Minatori 45-vjecar Kujtim Kaja, i sëmurë prej tre vitesh është i detyruar që në orët e para të mëngjesit, tu drejtohet stogjeve të kromit që kanë mbetur pa u zënë në Qafën e Buallit, për të siguruar kështu të ardhura për të mbajtur 7 anëtarë të familjes. 

Në kushtet, kur puna që bën i merr pjesën më të madhe të ditës, 45-vjecari i cili ka punuar në thellësitë e tokës, prej 25 vitesh është i detyruar të kryejë dhe dializën. Kujtimi shprehet se është i detyruar pasi shtëpinë e ka larg dhe nuk mund të shkojë atje një herë në 6 orë, për të kryer procesin e dializës. 

Rezultatet e para të zgjedhjeve parlamentare franceze tregojnë një rezultat mjaft të ngushtë mes Socialistëve të Presidentit Fransua Hollande dhe partisë së djathtë, UMP të Nikolas Sarkozy. 

Sondazhet e para tregojnë se dy partitë ndodhen “kokë më kokë” me rreth 35 përqind të votave të numëruara.       

Sipas ekspertëve, një fitore e socialistëve do t’i jepte mandatin Hollande që të vazhdonte me politikën e rritjes së taksave për të pasurit dhe të politikave të tjera fiskale që ka paralajmëruar.

Sondazhet dhe skenaret për daljen e Greqisë nga euro vazhdojnë të frikësojnë të huajt të vizitojnë Greqinë, duke i shtuar edhe një goditje tjetër turizmit, pikës më të fortë të Greqisë. 

Anullimi i pushimeve në Greqi, nga frika e jostabilitetit dhe episodeve të dhunës, rrezikon mijëra vende pune dhe të ardhura të rëndësishme, që do ta privonin ekonominë greke, në këtë situatë të vështirë ekonomike që po kalon vendi, thuhet në publikimin e “Sunday Times”. 

12 aktivistë të lëvizjes Vetëvendosje janë arrestuar sot në Prizren, gjatë aktivitetit në nder të 134 vjetorit të Lidhjes Shqiptare të Prizrenit. 

Nëpërmjet një deklarate për mediat, Vetëvendosje thekson se incidenti ndodhi rreth orës 8:30, teksa aktivistë të kësaj lëvizjeje, vendosnin flamurin kombëtar në shesh. 

Sipas Vetëvendosjes, këto arrestime janë plotësisht të papranueshme dhe në kundërshtim të plotë me frymën e 134 vjetorit të Lidhjes Shqiptare të Prizrenit. 

Vendimi i Spanjës për të kërkuar 100 miliardë euro hua nga fondet e Eurozonës për të ndihmuar ekonominë në vështirësi ka gjetur një mbështetje të fortë ndërkombëtare. 

Fondi Monetar Ndërkombëtar u shpreh se kredia do të ishte e mjaftueshme për të rikthyer besueshmërinë në sistemin bankar spanjoll.

Nga ana e tij, edhe Uashingtoni mikpriti këtë hap, duke e konsideruar si “thelbësor” drejt “bashkimit financiar” të vendeve që përdorin monedhën e përbashkët.

Drejtoresha ekzekutive e Fondit Monetar Ndërkombëtar (FMN) Christine Lagarde u bëri thirrje liderëve evropianë të veprojnë menjëherë për daljen e eurozonës nga kriza në të cilën ka rënë kontinenti i vjetër duke paralajmëruar se Evropa ndodhet në udhëkryq. 

Reforma në shërbimin shëndetësor në Shtetet e Bashkuara është një ndër shtyllat kryesore të programit qeverisës së presidentit Obama, i cili në nëntor do të kërkojë një tjetër mandate në krye të Shtëpisë së Bardhë. 

Por kjo reformë ka hasur në kundërshtimin e fortë të repulikanëve dhe kompanive gjigante amerikane të prodhimeve farmaceutike. Për gjetur një rrugë të mesme, sipas New York Times, presidenti Obama po afrohet me kompanitë e prodhimit të barnave mjekësore dhe lobit të tyre në mënyrë që të sigurojë mbështetjen e tyre për reformën shëndetësore.

Lëvizja MJAFT publikoi sot raportin e monitorimit publik të Ministrive për periudhën, janar 2011 - prill 2012. 

Në raportin e MJAFT, sa i përket aksesit të publikut në informacion, për dokumentat zyrtare, situata paraqitet shqetësuese për vitin 2011. Ndërkohë, në analizën e buxhetit të ministrive të linjës vërehet djegia e fondeve, pjesa më e madhe e të cilave ishte planifikuar për investimeve tashmë të munguara. 

Në vitin 2008, qeveria shqiptare përmes Institutit të Statistikave realizoi matjen e fundit të varfërisë në vend. Rezultati në atë kohë tregoi se numri i individëve të varfër, ata që jetojnë me më pak se 2.5 dollarë në ditë, ishte ulur nga 18.1 përqind në 2005-ën në 12.5 përqind në vitin 2008. 

Zyrtarët evropianë thonë se Spanja mund të kërkojë miliarda dollarë ndihma nga vendet e tjera për të shpëtuar bankat e saj në vështirësi.

Spanja nuk ka bërë kërkesë për ndihmë, por disa zyrtarë evropianë thanë sot se presin që Madriti ta paraqesë kërkesën nesër pas tele-konferencave të zyrtarëve të lartë evropianë.  Në se kjo ndodh, Spanja do të bëhej vendi i katërt i 17 vendeve të Eurozonës që ka nevojë për ndihma ndërkombëtare, pas Greqisë, Irlandës dhe Portugalisë.