Arkiv-Lajme të përditësuara

Nën diellin përvëlues janë disa mijëra egjiptianë që kanë ngritur sërish çadrat në sheshin "Tahrir" ku do të qendrojnë aty derisa të shpallet fituesi i zgjedhjeve presidenciale të  Egjiptit.

Rezultatet e balotazhit ndërmjet kandidatit të "Vllazërisë muslimane",  Mohamed Morsy dhe Ahmed Shafik, i cili ka qenë kryeministri i fundit i epokës së Mubarakut, duhet të shpalleshin të enjten por kjo datë u shty pasi Komisioni Qendror Zgjedhor deklaroi se duhet të shqyrtonte rreth 400 ankesa nga kandidatët për parregullsi.

25 mijë banorët e qytetit të Kukësit po vuajnë mungesën e ujit të pijshëm në 23 orë të ditës. Shkak për këtë gjëndje është bërë rënia e prurjeve në burimet kryesore që furnizojnë konsumatorët si dhe shpërdorimet në zonat rurale, baret, lokalet e shërbimeve e lavazhet. Banorët shprehen se uji mbërrin deri në katin e dytë ndërsa në katet e sipërme nuk vjen asnjëherë. Bashkia paralajmëron ndjekje penale për shpërdoruesit e ujit duke kërkuar bashkëpunimin edhe të organeve të drejtësisë në identifikimin dhe ndëshkimin e rasteve. 

Është thirrje që përsëritet, ajo e kancelares gjermane Angela Merkel, për "më shumë Europë". E tha sërish pas takimit të të katërve në Romë, të Italisë; 

"Leksioni i kësaj krize është më shumë Europë, jo me pak Europë, tha ajo. Por a mos Berlini po i lëshon pushtet Brukselit. Konceptimi i Europës së ardhshme vjen nga Ministri i Jashtem gjerman, Guido Vestervele. Ai foli per "Grupin e së Ardhmes" dhe paraqiti këto propozime;

Propozimi i Gjermanisë

Ne nje shtrirje prej 3 kilometrash nga Ura e Dajlanit deri ne afersi te vilave qeveritare ne Plepa, plazhi i Durresit ka vetem kater hapesira per plazhe publike. Bashkia e ka argumentuar kete vendim me faktin se Ndermarrja Komunale e Plazhit e ka te pamundur qe te menaxhoje siperfaqe me te medha, pasi kerkohen fonde shtese. Megjithate,vendet e plazheve publike qe kane qene vitet e kaluara, sot nuk ekzistojne me pasi jane zene nga plazhet private. Por akoma më shqetësuese është shtrirja e ndërtimeve deri në breg të detit. 

Monedha shqiptare, leku, ka forcuar pozitat e saj në tregun e këmbimit valutor. Leku shënoi rivlerësim gjatë kësaj jave në raport me valutat e huaja, euron dhe dollarin. Një euro ka zbritur në kuotën e 137.9 lekëve ndaj 138.4 lekë që shënonte disa javë më parë, duke konfirmuar një kërkesë me të ulët në treg për monedhën evropiane. Euro ka patur ecuri negative edhe në tregjet ndërkombëtare për shkak të krizës në eurozonë.

Sipas një raportimi të portalit Telegrafi, gati pesë vjet pas pavarësisë së Kosovës, në Zvicër jetojnë mbi 160 mijë shtetas të Kosovës, të cilët ende kanë pasaportën e Serbisë. 

“Sikur t’i kishin sot pasaportat e Republikës së Kosovës pas katër vjetësh pavarësie, sigurisht Berna zyrtare kosovarët do t’i radhiste në rangun e parë të emigrantëve dhe jo të tretin, pas portugezëve dhe gjermanëve”, ka deklaruar për agjencinë informative kombëtare “Presheva Jonë”, Lisa Blaser, zyrtare nga Departamenti Federal për Migracion. 

Tensionet mes Ankarasë dhe Damaskut duket se po arrijnë kulmin. Presidenti turk Abdullah Gyl tha se avioni luftarak turk F-4- që u godit nga forcat siriane mund të ketë shkelur hapsirën ajrore të Sirisë. 

Duke folur për agjensinë e lajmeve "Anatolia", Gyl e cilësoi një rutinë të avioneve ushtarakë të tejkalojnë kufijtë kombetare. "Nuk eshte dicka qellim-keqe tha ai- por ndodh si pasojë e shpejtësisë së tyre".  

Grupe të të drejtave të emigrantëve gjatë një konference për median në Athinë apeluan Qeverinë dhe policinë e vendit të ndërmarrin masat e duhura për të parandaluar sulmet në rritje të bandave fashiste, siç i quajtën ata, mbi emigrantët. Drejtues të komuniteve që jetojnë në Greqi, thanë se në dy-tre javët e fundit ka pasur shumë incidente me natyrë racore. Petros Konstantinu nga Lëvizja kundër racizmit, tha se sulmet e bandave ekstremiste po bëhen gjithnjë e më të ashpra dhe ato drejtohen nga mbështetësit e partisë neonaziste "Agimi i Artë".

Komisioni Qëndror i Zgjedhjeve reagoi sot zyrtarisht rreth deklaratës për importin e plehrave së ambasadorit Alexandër Arvizu bërë dje gjatë shpalljes së nismës ‘Vepro tani!’.

30% ulje në pagat e ministrave dhe zv.ministrave si dhe kufizim i përdorimit të automjeteve zyrtare, janë masat që u shpallën nga kryeministri Antonis Samaras, në takimin e parë të Kabinetit të ri qeveritar. 

Kjo lëvizje e Samaras mendohet të shërbejë për të fituar besimin e grekëve, si një shenjë e asaj që pritet nga qeveria e sapoformuar.