Garda u jep një scoop gazetarëve: “Jozefina na humbi nga sytë një copë herë”

Një lajm paksa i çuditshëm që ka të bëjë me Jozefina Topallin jepej sot vetëm nga gazeta Shqip; madje, dhe kjo e fundit e kish në faqen 21, në fund të faqes, me titull “Zhduket Jozefina Topalli, alarmohet policia e Garda”. Nga Shqipi merret vesh se infomacioni ka rrjedhur nga radhët e strukturave të sigurisë, e kjo do të thotë se kanë synuar ta “njollosin” kryetaren e Kuvendit, gjë që mund të bëhet vetëm me lejen e “të madhit”. Ndryshe nuk ka se si shpjegohet që lajmi të marrë formën e një përvjedhjeje që kryeparlamentarja u ka bërë rojeve të veta të trupit, dhe të një arratie “në drejtim të paditur”

Përse është fjala? Lajmi na bën me dije pra se Jozefina Topalli ka qenë në Durrës në një takim me një person (nuk jepet identiteti i tij), që kish një makinë Touareg. Gjatë gjithë kohës ajo ka qenë e vëzhguar në distancë nga policia e Garda, që në këtë mënyrë kanë qenë duke ushtruar funksionin e tyre. Në një moment, Policia e Garda alarmohen, pasi Topalli u humb nga sytë, dhe ata vihen në kërkim. Duket se më në fund e “kanë gjetur” VIP-in që u duhet ta mbrojnë, dhe e kanë shoqëruar në destinacion!!!!

Ky është lajmi. Nuk ju duket se ka një ndyrësi në këtë mes? Përse do duhej që kjo ngjarje të bëhej publike? E përse do duhej, gjithashtu, që lajmi të jepej si një aventurë hollywood-iane e kryetares së parlamentit?

E.G.