Një “Pranverë Ruse” në horizont

Tri orë zgjati protesta e moskovitëve kundër regjimit të Putinit që për një kohë të gjatë është dukur i pakontrastueshëm. Putini, me ndihmën e televizioneve shtetërore, ka krijuar idenë se ai është një leader absolut, fuqia e të cilit e ka burimin tek konsensusi elektoral i rusëve. Mirëpo zgjedhjet e së dielës treguan se ai nuk ka fuqinë që pretendon se ka. Partia e tij mezi mori gjysmën e vendeve në parlament, ndërkohë që nomenklatura sunduese ishte përgatitur të merrte dy të tretat. E sikur të mos mjaftojë kjo rënie e fortë e mbështetjes (e njohur prej institucioneve zyrtare), një pjesë e madhe e rusëve janë të bindur se bëhet fjalë për një rezultat të trukuar, gjë që do të thotë se votat në favor të regjimit janë më pak se gjysma. Ky afërmendsh është një sinjal dramatik për Putinin, në një moment që pritet të mbahen zgjedhjet presidenciale (në mars të viti të ardhshëm), në të cilat ai do të jetë kandidat.

Sot ishin 150 mijë vetë rrugëve të Moskës (25 mijë, thotë policia moskovite), por përtej shifrave, kjo protestë, e para protestë serioze kundër një regjimi në Rusinë postkomuniste, duket se shënon fillimin e fundit të pushtetit të Vladimir Putinit. Një “Pranverë Ruse” duket në horizont.

Re.Pu.