Përrallë me Princeshë dhe Enver

Në një intervistë për Panoramën Skënder Zogu, kushëriri i Leka Zogut, hedh dritë mbi oborrin mbretëror shqiptar në mërgim. Është e vështirë të lexosh të vërtetën e pastër mes rreshtave të veshur me pasionin, afërsinë dhe ndjeshmërinë e atij që e ka kaluar jetën në këtë oborr, por z. Skënder Zogu mohon katërcipërisht thashethemet në lidhje me një aferë të supozuar mes Enver Hoxhës dhe princeshës Maxhide. “Princeshat e urrenin Enver Hoxhën si figurë me të njëjtën forcë si vëllai i tyre. Jo lidhje, por as kontakt nuk kanë patur, sepse nuk kishte gjë që nuk mësonte mbreti Zog.”

Pa ndonjë vlerë reale historike, e vërteta mbi këtë thashethem, megjithatë, do të ndihmonte për të kuptuar edhe pak më shumë për anën e panjohur të Enver Hoxhës, njeriut që e ndikoi aq shumë mbi shoqërinë shqiptare derisa dhe ta devijonte zhvillimin e saj.

Princeshat Myzejen, Ruhije dhe Maxhide nuk u martuan kurrë. Njësoj si monarkisë, as atyre nuk u doli fati.

N.C.