Një ditë e pasur me thashetheme në PPE

Kongresi i XX i Partive Popullore Europiane në Marsejë është ndjekur dhe nga Kryeministri Sali Berisha, meqë PD-ja aderon në organizatën e këtyre partive. Kongresi kishte në agjendë krizën ekonomike, prandaj Kryeministri ka folur aty për kongresin e PS-së dhe për problemet e liderit të saj me veten. “Pas vitit 2009, të dashur miq, lideri i opozitës socialiste mbajti qëndrimin që nuk i njihte zgjedhjet. Në të njëjtën kohë ai mblodhi Kongresin, ndryshoi statutin në të cilin shkruhej: 'Nëse lideri humbet zgjedhjet ai duhet të japë dorëheqjen' dhe vendosi një nen: 'Kur lideri humbet zgjedhjet, lideri nuk duhet të japë dorëheqjen'. Ky ishte problemi i tij, jo i imi.”

Pas fjalimit të Kryeministrit shqiptar, fjalën e mori Joseph Daul, i cili bëri një rezyme për Shqipërinë me fjalë të thjeshta, meqë edhe koha nuk premtonte të priten deklaratat zyrtare mbi hetimin e 21 Janarit, Gërdecit, etj.

z. Joseph Daul falenderoi Kryeministin Berisha për punën që ka bërë për të penguar gjakderdhjen. E falenderoi për kontributin e dhënë për mbrojtjen e të drejtave të njeriut, dhe e mbylli duke thënë që Edi Rama është pak i sëmurë mendor.

Më pas, Kongresi vazhdoi punimet me tema të tjera të krizës ekonomike botërore.

K.C.