Na ishte një herë… rinia.

Protesta e studentëve kundër regjimit komunist në fund të viteve 90-të, ka qenë ndoshta e vetmja demonstratë reale e zhvilluar në Shqipëri që prej vitit 1945 e deri në ditët e sotme. Ç’ka ardhur dhe ç’kemi parë më vonë kanë qenë mitingje ose protesta të organizuara prej partive politike.

Një ditë më parë, kryeministri Berisha zhvillloi një takim me një grup studentësh në qytetin e Durrësit. Përvecc të tjerash, dhe meqë vetëm pak ditë na ndajnë nga 8-dhjetori, Dita e Rinisë, kryeministri u kujtoi studentëve se ishin të rinjtë ata që i dhanë fund një diktature gati 50-vjeccare.

Duke iu referuar ngjarjeve të fundit që kanë ndodhur nëpër botë, të gjithë kanë qenë dëshmitarë të rënies së disa diktaturave në vendet e Lindjes, rënie të cilat do të mbahen mend si “Pranvera Arabe”. Kujtojmë që pararendësit e kësaj pranvere ishin pikërisht të rinjtë e atyre vendeve. Shembulli i parë është rasti i Tunizisë, ku protestat u organizuan prej të rinjve nëpërmjet rrjetit social Facebook.

Rinia shqiptare sot ka 1001 probleme, përfshi këtu atë më të rëndësishmin: papunësinë, edhe pse mund të jenë të pajisur me diplomën e shkollës së lartë. Megjithatë, zëri i të rinjve sot duket i mekur dhe i pafuqishëm për t’iu përgjigjur këtyre mungesave.

M. L.