Nikolla çon fjalë se është në gjak me Fatos Nanon

Nikollë Lesi  i çon letër Nishanit ku i thuhet: më mbroni nga Fatos Nano, ndryshe “plumbin ballit”. Letra e hapur e kryetarit të Lidhjes Demokristiane Shqiptare Nikollë Lesi, ka qënë me tone të larta dhe deklarime të pazakonta.  Nikollë Lesi ka shkruar se ai e ka paditur në prokurori ish-kryeministrin Fatos Nano me akuzën e fyerjes dhe kanosjes, pas disa mesazheve në telefon në të cilat Nano kërcënonte Lesin.

Në letër ndër të tjerat thuhet: ”Me lejoni t’ju vë në dijeni se dje kam depozituar një kallëzim penal për këtë ngjarje në Prokurorinë e Rrethit Gjyqësor Tiranë dhe pres zbardhjen e autorit të këtyre kërcënimeve serioze nga një numër shqiptar Vodafone dhe konkretisht numri 0692026969”..” personi me numrin e telefonit të sipërcituar rezulton nga hetimet e mia personale të jetë i një personi me emrin Fatos Thanas Nano, ish-kryeministër”.

Zv.ministri i Kulturës Nikollë Lesi, i ka shkruar presidentit të Republikës, kryeministrit dhe ministrit të Brendshëm duke thënë “se nëse shteti nuk merr masa atij i mbetet zgjidhja që përdoret në veri të vendit “plumbin ballit” në mes të Tiranës”

Ngjarja duket pazakontë dhe që lë shumë pikëpyetje për arsyet e vërteta të këtij konflikti të ri, sidomos kur në kujtesë vinë momentet e paq’timit publik të këtyre personazheve publik gjatë kandidimit të fundit të Fatos Nanos për president të Republikës.

A.K