Kamalov, gazetari kritik i regjimit të Putinit vritet para redaksisë së gazetës

Themeluesi i të përjavshmes 'Chernovik', Khadzhimurad Kamalov, u vra nga një person me maskë në mes të kryeqytetit të Degestanit, provincës së trazuar në Kaukazin Verior. Kryeredaktori i gazetës, Magomedov, që u gjend i pranishëm gjatë vrasjes tha se Kamalov u vra përpara zyrave për t’i futur frikën stafit. Komiteti për të Drejtat e Gazetarëve me bazë në NY, më 2010 i kishte dhënë një reportereje të kësaj gazete Çmimin Ndërkombëtar për Lirinë e Medias. Më 2009, Kamalov ishte përfshirë në një listë ‘puçistësh’.

Njëlloj si vrasja e Politkovskajës bëri të heshtin zërat e të vërtetës nga Çeçenia, vrasja e Kamalovit do të krijojë një errësirë informative mbi Dagestanin, ku regjimi i Moskës shkel në mënyrë të vazhdueshme të drejtat e njeriut. Njerëzit, tashmë do jenë të terrorozuar të shkruajnë të vërtetën.

Për fat të mirë në Shqipëri nuk ka nevojë të vrasësh gazetarët. Mjafton të dërgosh një njeri me maskë dhe... me një bllok çeqesh në dorë. Realiteti mediatik shqiptar ka treguar që shumica e gazetarëve kanë rënë përdhe të plagosur me verdhushka pa pasur kohë të reagonin.

K. C.