Jahjaga deklarohet si “Paperon dei Paperoni” i politikanëve kosovarë

Me shumën 2 mijë e 837 euro Ahtifete Jahjaga kap vendin e parë midis politikanëve më të paguar në Kosovë. Në anën tjetër, njeriu që merr pagën më të lartë në institucionet shtetërore, vazhdon të jetojë me qira.. Kjo ka dyfishin e pagës së kryeministrit, por nuk i afrohet atij kur vjen puna për sipërfaqe banimi.

Kryeministri Hashim Thaçi, ndonëse e ka shtëpinë më të madhe nga të gjithë zyrtarët publikë të Kosovës, me rreth 1 mijë metra katrorë, ai nuk gjendet as në “top-listën” e 10 më të paguarve që punojnë në institucionet shtetërore. Thaçi,  bazuar në listën e pagave të zyrtarëve të lartë të institucioneve kyçe në Kosovë, të cilën thotë ta ketë “Zëri”, është renditur i trembëdhjeti.

Sipas kësaj liste, Thaçi ka pagën 1 mijë e 443 euro në muaj. Këtë pagë kryeministri e merr që prej disa vjetësh, ndërkohë që ai ka nisur të ndërtojë një shtëpi gjigante në periferi të Prishtinës. Për këtë ndërtim, kryeministri në deklarimin e pasurisë së tij në Agjencinë Anti-korrupsion, ka thënë se ka marrë kredi.

Nuk mund ta dimë për Kosovën, por në Shqipëri politikanët tanë deklarojnë realisht atë pasuri që kanë. Vesi i ndershmërisë dhe dora e padukshme e plotësimit të deklaratës duket se do të jete incentivi i vërtetë i bashkimit të kombit.

A.Kananaj