Alarmi i Fevziut për Rrugën e Kombit dhe legjenda urbane me të e Berishën

Legjenda e urbane e ka se, ideja e asaj që sot konsiderohet si Rruga e Kombit, është ngjizur në një udhëtim nga Prishtina drejt Tiranës të kryeministrit Berisha. Në makinë me të ndodhej edhe gazetari i Opinion-it, Blendi Fevziu. Nëpër bisedë, ndihmuar edhe nga tronditjet e rrugës së keqe, ka hyrë edhe ideja e një rruge të re që do ta fuste Berishën në histori. Këto raportohen si fjalë yshtëse të gazetarit Fevziu që, me gjasë, kanë ngacmaur telat më të dobët të kryeministrit, bashkëpunëtorët e të cilit thonë se ‘ai e sheh drejtimin e shteti më shumë si mision historik se sa si menaxhim nga dita në ditë’. Nëse nuk dihet saktësisht, përtej legjendës urbane, se sa gisht ka Fevziu në gjurmën e projektit që u bë më pas Rruga e Kombit, mund të shihet qartë shqetësimi i tij për të. Në një shkrim botuar te ‘Panorama’ e sotme, ai lëshon alarmin e shndërrimit të rrugës së vetme me standarde ndërkombëtare në një tjetër udhë “made in Albania”, siç e etiketon. Në shkrim flitet me alarm për prerjen e hekurave ndarës të rrugës, gjë që u lejon fshatarëve të zonës të kthehen në mes të autostradës, apo gjurmë ndërtimesh që kanë filluar të mbijnë anash saj. Fevziu lëshon një SOS të fortë e, nëse legjendat urbane nuk janë vetëm të tilla, diçka duhet të ndryshojë.

A. Lela